मोदी काका नक्कीच मदत करतील – वैशाली यादव
‘सेव्ह आराध्या अभियान’साठी वैशाली यादवही रॅलीमध्ये सहभागी
एमपीसी न्यूज : नवी मुंबईच्या आराध्याया चार वर्षाच्या चिमुकलीला वर्षभरापूर्वी ह्रदयाचा आजार ( डायलेटेड कार्डिओमायोपॅथी) झाला आहे. तिला त्वरीत ह्रदय प्रत्यारोपणाची गरज आहे. मात्र 25 वर्षे वयाच्या आतील आणि 40 किलोग्रॅम असलेली ब्रेन डेड व्यक्तीचे तिला ह्रदयाचे दान करू शकते. या विषयाची जनजागृती करण्याबाबत ‘सेव्ह आराध्या अभियान’ सुरू करण्यात आले असून त्याचाच एक भाग म्हणून आज पुण्यात बालगंधर्व चौकात सेव्ह आराध्या रॅलीचे आयोजन करण्यात आले होते.यावेळी पंतप्रधान नरेंद्र मोदींना पत्र पाठवून ह्रदयशस्त्रक्रिया करवून घेणारी वैशाली यादवही या रॅलीमध्ये सहभागी झाली होती. ती यावेळी म्हणाली की,प्रत्येक नागरिकाने अवयवदान करण्याची गरज आहे.ज्या प्रकारे मोदी काकानी मला मदत केली तशीच आराध्याला देखील करतील.
बालगंधर्व रंगमंदिर ते गुडलक चौक, ज्ञानेश्‍वर पादुका चौक आणि तेथून मॉर्डन कॉलेज मार्गाने पुन्हा बालगंधर्व चौकात शेवट करण्यात आला.
यावेळी आराध्याचे बाबा योगेश मुळे म्हणाले की, सध्या मुंबईतील फोर्टीस हॉस्पिटलमध्ये आराध्या ही उपचार घेत आहे. तिच्या ह्रदयाची क्षमता केवळ 10 ते 15 टक्केच आहे. केवळ ह्रदय प्रत्यारोपण हाच एकमेव पर्याय आहे. यासाठी मुंबईतील विभागीय अवयव प्रत्यारोपण समिती (झेडटीसीसी) कडेही ह्रदयासाठी नोंदणी करण्यात आली आहे. मात्र केवळ 25 वर्षाच्या आतील आणि 40 किलोग्राम वजनाच्या आतीलच ब्रेनडेड व्यक्ती तिला ह्रदयाचे प्रत्यारोपण हाऊ शकते. या प्रकारचा दाता मिळणे दुर्मिळ आहे. म्हणून आराध्याचे ह्रदय प्रत्यरोपण अद्याप होऊ शकले नाही. 25 या वयोगटातील आणि 40 किलो वजनच्या आतील ब्रेनडेड रुग्ण झाल्यास संबंधित रुग्णालयांनी किंवा नातेवाईकांनी झेडटीसीसी किंवा मुंबईतील फोर्टीस रूग्णालयाला संपर्क करून आराध्याला नवीन जीवन देण्यास मदत करावी, असे आवाहन केले.या विषयी पंतप्रधान नरेंद्र मोदी देखील पत्र लिहून यामध्ये लक्ष घालावे आणि तिला मदत करावी.या मागणीचे पत्र पाठवणार असल्याचे त्यांनी सांगितले.
बालगंधर्व रंगमंदिर ते गुडलक चौक, ज्ञानेश्‍वर पादुका चौक आणि तेथून मॉर्डन कॉलेज मार्गाने परत बालगंधर्व येथे रॅली पार पडली.
