Today’s Horoscope 07 March 2021 : जाणून घ्या आजचे राशीफळ
एमपीसी न्यूज - आजचे पंचांग. वार – रविवार – 07 मार्च 2021
- शुभाशुभ विचार — दुपारी 4 वा पर्यंत चांगला दिवस.
- आज विशेष -श्री रामदास नवमी.
- राहू काळ – संध्याकाळी 4.30 ते 6.00.
- दिशा शूल – पश्चिमेस असेल.
- आजचे नक्षत्र – मूळ 20.59 पर्यंत नंतर पूर्वाषाढा.
- चंद्र राशी – धनु.
आजचे राशीभविष्य
मेष – ( शुभ रंग- डाळिंबी)
नोकरदारांना काही जुन्या चुका निस्तारव्या लागतील. दैनंदिन कामातही काही समस्यांना तोंड द्यावे लागेल. कार्यक्षेत्रात सावधपणे पावले टाका. इतरांचेही म्हणणे ऐकून घ्यायची मानसिकता ठेवा.
वृषभ – ( शुभ रंग – डाळिंबी)
उद्योग-व्यवसायात काहीसे प्रतिकूल वातावरण असेल. वरिष्ठ गोड बोलून राबवून घेतील. आज काही अति हुशार मंडळी संपर्कात येतील. डोके शांत ठेवण्याची आवश्यकता आहे.
मिथुन – (शुभ रंग -मरून)
विवाहेछुकांना सुयोग्य स्थळांचे प्रस्ताव येतील. आज एखाद्या महत्त्वाच्या प्रश्नावर पत्नीशी चर्चा करणे हिताचे राहील. नोकरीच्या ठिकाणी हार्ड वर्क पेक्षा स्मार्ट वर्क करून लवकर घर गाठू शकाल.
कर्क – ( शुभ रंग -हिरवा)
कार्यक्षेत्रात काही झटपट लाभाच्या संधी येतील, पण अशा वेळी मनावर संयम ठेवणे हिताचे राहील. आज आपल्या प्रतिष्ठेची काळजी घ्या. बेकायदेशीर व्यवहार टाळा.
सिंह- (शुभ रंग – पांढरा)
उच्चशिक्षितांच्या अपेक्षा वाढतील. कलेच्या क्षेत्रात नवोदितांची हौस भागेल. आज किमती वस्त्र खरेदी कराल. नवविवाहितांना बाळाच्या आगमनाची चाहूल लागेल.
कन्या – ( शुभ रंग- पिस्ता)
आज तुम्हाला काही कौटुंबिक समस्यांवर लक्ष केंद्रित करावे लागणार आहे. विद्यार्थी अभ्यासात एकाग्रता साधू शकतील. गृहिणींना माहेरची ओढ लागेल. मुले आज आज्ञाधारकपणे वागतील.
तूळ – ( शुभ रंग- भगवा)
आवडत्या क्षेत्रात नेतृत्व करण्याची संधी मिळेल. बेरोजगारांना नोकरीचे कॉल येतील. आज तुम्हाला काही अति शहाण्या मंडळींचा सहवास लाभेल. घराबाहेर वाद टाळावेत.
वृश्चिक – ( शुभ रंग – मोतीया)
तुमची आर्थिक कुवत वाढणार आहे. मानसिक स्थिती चांगली असल्याने तुमची कार्यक्षमताही चांगली असेल. उद्योग व्यवसायात योग्य वेळी काही अचूक महत्वपूर्ण निर्णय घ्याल.
धनु – (शुभ रंग – स्ट्रॉबेरी)
कामधंद्याच्या ठिकाणी तुमचे महत्त्व वाढेल. एखाद्या महत्त्वाच्या चर्चेत अग्रेसर असाल. इतरांना न झेपणाऱ्या जबाबदाऱ्या स्वीकारून त्या यशस्वीपणे पूर्ण कराल.
मकर – (शुभ रंग- राखाडी)
असा काही खर्च उद्भवेल कि जो टाळता येणार नाही. आज घरातील थोरांचे सल्ले विचारात घेणे गरजेचे आहे. इम्पोर्ट एक्सपोर्ट संबंधित व्यवसाय आज तेजीत चालणार आहेत.
कुंभ – ( शुभ रंग- आकाशी)
आज काही अपुरे आर्थिक व्यवहार पूर्ण होतील. संतती बाबत काही आनंददायी घटना घडणार आहेत.
कार्यालयात केलेला कर्ज विनंतीचा अर्ज मंजूर होऊ शकतो. छान दिवस.
मीन – ( शुभ रंग- निळा)
कार्यक्षेत्रात उद्दिष्टे पूर्ण करण्यासाठी आज स्वप्नरंजनापेक्षा अथक प्रयत्नास प्राधान्य देणे गरजेचे आहे व्यापारी वर्गाची बाजारातील पत वाढेल. अधिकारांचा योग्य वापर करा.
!! शुभं भवतु!!
– जयंत कुलकर्णी
फोन – 96891 65424
(ज्योतिष व वास्तु सल्लागार)
