Chinchwad News: खेलो इंडिया बॉक्सिंग स्पर्धेत आर्या गार्डे हिने सुवर्णपदक, तर श्रेया धांदर हिने पटकावले कांस्यपदक
एमपीसी न्यूज – “खेलो इंडिया” या राष्ट्रीय बॉक्सिंग स्पर्धेत (Chinchwad News) आमदार लक्ष्मणभाऊ जगताप कला, क्रीडा अकादमीच्या आर्या गार्डे हिने सुवर्णपदक, तर श्रेया धांदर हिने कांस्यपदक पटकावले. या दोन्ही खेळाडूंचे आणि त्यांच्या प्रशिक्षकांचा भाजपचे चिंचवड विधानसभा निवडणूक प्रमुख शंकर जगताप यांच्या हस्ते सत्कार करण्यात आला.
हरियाणातील रोहटक येथे विविध प्रकारच्या खेळांसाठी “खेलो इंडिया” ही राष्ट्रीय स्पर्धा नुकतीच झाली. त्यातील बॉक्सिंग स्पर्धेत आमदार लक्ष्मणभाऊ जगताप कला, क्रीडा अकादमीच्या आर्या गार्डे व श्रेया धांदर या खेळाडूंनी चमकदार कामगिरी करत अनुक्रमे सुवर्ण आणि कांस्यपदक पटकावले.
त्यांच्या या कामगिरीबद्दल भाजपचे चिंचवड विधानसभा निवडणूक प्रमुख शंकर जगताप यांनी त्यांचा सत्कार केला. तसेच प्रशिक्षक राहुल पाटील यांचाही त्यांनी विशेष सत्कार (Chinchwad News) केला. या खेळाडूंच्या पुढील वाटचालीसाठी शंकर जगताप यांनी शुभेच्छा दिल्या.
Ncp : उपभोगकर्ता शुल्क लागू करण्यावरून भाजप शहराध्यक्षांची दुटप्पी भूमिका – अजित गव्हाणे
यावेळी माजी नगरसेवक अंबरनाथ कांबळे, भाजयुमोचे शहराध्यक्ष संकेत चोंधे, लक्ष्मणभाऊ जगताप कला क्रीडा अकादमीचे अध्यक्ष माऊली जगताप, प्रशिक्षक राहुल पाटील, संदीप धांदर, अनिकेत दळवी, विशाल लायगुडे, दत्ता कांबळे आदी उपस्थित होते.
