Interim Budget 2024 LIVE : निर्मला सितारामन यांच्या ‘या’ महत्त्वपूर्ण घोषणा; जुलै महिन्यात जाहीर होणार संपूर्ण अर्थसंकल्प
एमपीसी न्यूज : आज अर्थसंकल्प सादर करताना निर्मला सीतारामन म्हणाल्या (Interim Budget 2024 LIVE) की, सरकार भविष्य डोळ्यासमोर ठेवून अर्थसंकल्प सादर करत आहे. आपले सरकार सबका साथ, सबका विकास या ध्येयाने पुढे जात असल्याचे त्यांनी यावेळी स्पष्ट केले. आज अर्थमंत्री निर्मला सितारामन अंतरिम अर्थसंकल्प सादर करत आहेत.
जुलै मध्ये संपूर्ण अर्थसंकल्प –
निर्मला सितारांमन यांनी सांगितले की जुलैच्या पूर्ण अर्थसंकल्पात सरकार विकसित भारताची ओळख करून देणार आहे.2023-24 मध्ये 30.03 लाख कोटी रुपयांचा महसूल मिळण्याची अपेक्षा आहे. वित्तीय तूट जीडीपीच्या 5.8 टक्के एवढी आहे. तर लक्षदविपसाठी सरकार मोठे पाऊल उचलणार असून लक्षद्वीपच्या विकासाला चालना दिली जाणार आहे. त्यामुळे पर्यटन क्षेत्रात विदेशी गुंतवणुकीला चालना मिळेल.
निर्मला सीतारामन लाभार्थी योजनेचा संदर्भ देत आहेत
कर मर्यादेबाबत –
- कर मर्यादा वाढवण्यात येणार
- 7 लाख रुपये उत्पन्न असणाऱ्याना कर भरावा लागणार नाही
सरकारने नवीन कर प्रणालीसाठी कर मर्यादा वाढवून 7 लाख रुपये केली होती. यामुळे रिटर्न भरणाऱ्यांमध्ये 2.4 पट वाढ झाली आहे. कर परत करणाऱ्यांची संख्या वाढवणे हा आमचा उद्देश आहे. सध्या टॅक्स रिटर्न भरणाऱ्यांना त्यांचे रिफंड लवकर मिळत आहेत.
9 ते 14 वर्षे वयोगटातील मुलींना सर्वाईकल कॅन्सरची लस दिली जाईल, जेणेकरून हा कर्करोग टाळता येईल.
तरूणांसाठी कर्ज –
- पीएम मुद्रा’ योजनेनं तरुणांच्या उद्योजकीय आकांक्षांसाठी 22.5 लाख कोटी रुपयांपर्यंतची 43 कोटी कर्जे मंजूर
- ‘फंड ऑफ फंड्स’, स्टार्टअप इंडिया व स्टार्टअप क्रेडिट हमी योजना
वाहतुकीची योजना –
देशातील विमानतळांची संख्या दुपटीने वाढून 149 झाली आहे. टियर टू आणि टियर थ्री शहरांमध्ये हवाई संपर्क वाढला आहे. उड्डाण नियोजनाद्वारे 517 नवीन मार्गांद्वारे 1.3 कोटी प्रवासी त्यात सामील झाले आहेत.
- भारतीय विमान कंपन्यांनी 1000 नवीन विमानांची ऑर्डर
- 40 हजार सामान्य रेल्वे डबे वंदे भारतमध्ये रूपांतरित करणार
- पंतप्रधान गति शक्ती योजनेंतर्गत कामांना गती
- ऊर्जा, सिमेंट आणि बंदरसाठी नवीन 3 कॉरिडॉर तयार करणार
शेतकऱ्यांसाठी योजना –
- दुग्धव्यवसाय करणाऱ्या शेतकऱ्यांना मदतीची योजना
- तेलबियांमध्ये स्वावलंबी होण्यासाठी धोरण
- 38 लाख शेतकऱ्यांना पीएम संपदा योजनेचा लाभ झाला आहे. पीएम मत्स्य योजना 55 लाख नवीन नोकऱ्या देणार आहे.
पंतप्रधान नरेंद्र मोदींनी आता जय जवान, जय किसान, जय विज्ञान या घोषणेसोबत आणखी एक नारा जोडला आहे आणि तो म्हणजे जय रिसर्च. म्हणजे जय जवान, जय किसान, जय विज्ञान, जय संशोधन. त्यासाठी देशात संशोधनाला चालना दिली जाणार आहे.
गरिबांसाठी घरे –
कोविडचे आव्हान असतानाही केंद्र सरकारने गरिबांना घरे दिली. 3 कोटी घरांचे उद्दिष्ट गाठण्याच्या जवळ आहोत. पुढील 5 वर्षांत आणखी 2 कोटी घरे बांधली जातील. छतावरील सौरऊर्जेसाठी 1 कोटी घरांवर सौर पॅनेल बसवण्यात येणार आहेत.
सुमारे एक कोटी महिला लखपती दीदी झाल्या आहेत. सध्या 2 कोटी लखपती दीदींचे टार्गेट 3 कोटी करण्यात येत आहे. महिलांच्या विकासावर आपले सरकार विशेष लक्ष देत असल्याचे अर्थमंत्र्यांनी सांगितले.
महिला आरक्षणाद्वारे जीडीपीचा उल्लेख
निर्मला सितारांमन यांनी सांगितले की हे सरकार प्रशासन, विकास आणि कामगिरीवर भर देत आहे. मोदी सरकारने सिटीझन फर्स्टकडे लक्ष दिले आहे. यामध्ये महिलांना महत्त्व देत त्यांच्यासाठी एक तृतीयांश आरक्षण देण्यात आले आहे. देशाची अर्थव्यवस्था चांगली चालली आहे. देशातील जनता चांगली कमाई करत आहे. योजनांची वेळेवर अंमलबजावणी होत आहे. अंगणवाडीचा दर्जा सुधारणार, ‘आशा’ (ASHA) कर्मचाऱ्यांना मिळणार आयुष्मान योजनेचा लाभ.
मोदी सरकारने शैक्षणिक क्षेत्रातही यश मिळवले आहे. गेल्या 10 वर्षांत केंद्र सरकारने 3 हजार नवीन आयटीआय, 7 आयआयटी, 16 आयआयआयटी, 7 आयआयएम, 15 एम्स आणि 390 विद्यापीठे स्थापन केली आहेत. पीएम पीक विमा योजनेतून 4 कोटी शेतकऱ्यांना त्याचा लाभ देण्यात आला आहे. केंद्र सरकार शेतकऱ्यांसाठी खूप काम करत आहे. या आधी 2014 पूर्वी मोठी आव्हाने होती, ती आव्हाने देखील पार केली आहेत.
आमच्या सरकारने गरीब, महिला, तरुण आणि शेतकरी यांच्यावर जास्तीत जास्त लक्ष केंद्रित केले आहे. त्यांचे जीवन चांगले व्हावे यासाठी शासन सर्वतोपरी प्रयत्न करत आहे. गरिबांचे कल्याण, देशाचे कल्याण. आम्ही गरिबांसाठी खूप काम करत आहोत. या 10 वर्षात सरकारने 25 कोटी लोकांना गरिबीतून मुक्त केले आहे. अशा लोकांना आणखी प्रोत्साहन देण्यासाठी आमचे सरकार प्रयत्नशील आहे. थेट लाभ हस्तांतरणाद्वारे जन धन खात्यातून 34 लाख रुपये देण्यात आले आहेत. यापैकी 2.34 लाख कोटी रुपये शिल्लक आहेत. म्हणजे पैसे चुकीच्या ठिकाणी गेले नाहीत. असे त्यांनी स्पष्ट केले.
सर्वांगीण, सर्वांगीण आणि सर्वसमावेशक विकास – (Interim Budget 2024 LIVE)
सर्वांगीण, सर्वस्पर्शी आणि सर्वसमावेशक विकासाच्या माध्यमातून 2047 पर्यंत देशाला विकसित भारत बनवण्याचे उद्दिष्ट असल्याचे निर्मला सितारांमन म्हणाल्या. गव्हर्नन्स मॉडेलमध्येही बदल करण्यात आले आहेत. जास्तीत जास्त नोकऱ्या देण्याचे आश्वासन देण्यात आले आहे. भ्रष्टाचार आणि घराणेशाही संपवण्यासाठी केंद्र सरकार काम करत आहे. सर्व संसाधनांचे वितरण न्याय्य पद्धतीने केले जात आहे. असे निर्मला सितारांमन यांनी सांगितले.
निर्मला सीतारामन म्हणाल्या की, आमच्या सरकारने सर्वांगीण विकास आणि विकासाला प्राधान्य दिले आहे. विकास योजनांना प्राधान्य दिले आहे. सर्वांसाठी घर, प्रत्येक घराला पाणी, सर्वांसाठी बँक खाते आणि आर्थिक सेवा. यावर काम करण्यात आले आहे. 80 कोटी लोकांना मोफत रेशन देऊन अन्न संकटही संपवले आहे.
निर्मला सीतारामन म्हणाल्या की, नरेंद्र मोदी सरकारच्या कार्यकाळात सर्वांना सोबत घेऊन विकास करण्यात आला. सरकारने सामाजिक कार्य केले. याशिवाय सर्व क्षेत्रांचा विकास करून सरकार पुढे गेले आहे.
