Lonavala : नगरपरिषद शाळांमध्ये 160 वाटसरुंची राहण्याची सोय

 हाताला काम नाही, पोटाला खायला नाही, डोक्यावर छत नाही, गावाकडे जाण्याची सोय नाही व जवळ पैसा देखिल नाही,  अशा भीषण कोंडीत ही मंडळी सापडली आहेत. कोणी अमरावतीचे, कोणी सांगली, सातारा, नगर भागातील तर कोणी मराठवाडा, विदर्भातील राहणारे आहेत. शासनाने नागरिकांना आहे तेथेच रहा स्थलांतर करु नका असे आवाहन करत सर्व जिल्ह्यांच्या सिमा बंद केल्याने ते आडकून पडले आहेत.

असे  160 वाटसरु लोणावळ्यात आहेत. त्यांना शाळांच्या वर्गखोल्या राहण्याकरिता देण्यात आल्या असून, सर्व परिसरात जंतुनाशक औषधे व पावडर फवारणी करण्यात आली आहे. आंघोळीकरिता पाणी, कोलगेट, ब्रश, साबण, तेल,  कपडे, सतरंज्या, ब्लँकेट आदी वस्तु पुरविण्यात आल्या असून, त्या नागरिकांना रहात असलेल्या परिसर स्वच्छ ठेवण्याच्या सुचना देण्यात आल्या आहेत. त्यांनी आरोग्य तपासणी देखिल करण्यात येणार असल्याचे मुख्याधिकारी सचिन पवार यांनी सांगितले.