Maval Corona Update : मावळात 36 नवे रुग्ण; 22 जणांना डिस्चार्ज

एमपीसी न्यूज : मावळ तालुक्यात मंगळवारी (दि.16) 36 रुग्णांचा चाचणी अहवाल पॉझिटिव्ह आला, तर दिवसभरात 22 जणांना डिस्चार्ज देण्यात आला. आज एकाही रुग्णाचा कोरोनाने मृत्यू झाला नाही. सक्रिय रुग्णांची संख्या 285 आहे.

आज लोणावळा नगरपरिषदेच्या हद्दीत 04 रुग्ण सापडला. तळेगाव दाभाडे नगरपरिषदेच्या हद्दीत 15 रुग्ण सापडले तर वडगाव नगरपंचायतीच्या हद्दीत 05 रूग्ण सापडले. सध्या रुग्णालयात 271 रुग्ण उपचार घेत आहेत. तालुक्यातील कोरोनाबाधितांची एकूण संख्या 8700 झाली आहे. तर दिवसभरात 22 जणांना डिस्चार्ज देण्यात आला.

मंगळवारी आढळलेल्या कोरोना रुग्णांमध्ये शहरी भागात 24 रुग्ण सापडले.  ग्रामीण भागात तळेगाव दाभाडे ग्रामीण येथे 06 रूग्ण सापडले तर शिरगांव, कडधे व सोमाटणे येथे प्रत्येकी 01 रुग्ण सापडला.  कामशेत येथे 03 रूग्ण सापडले.

8184 जणांना आतापर्यंत डिस्चार्ज देण्यात आला आहे. मावळ तालुक्यातील आज एकाही रुग्णाचा मृत्यू झाला नाही. आतापर्यंत 232 रुग्णांचा मृत्यू झाला आहे.

तळेगाव नगरपरिषद हद्दीत सर्वाधिक 2708, लोणावळा नगरपरिषद हद्दीत 1683 व वडगाव नगरपंचायत हद्दीत 578 रुग्ण सापडले आहेत.

शहरी भागात 4969 रुग्ण तर ग्रामीण भागात 3731 रुग्ण आढळून आले आहेत. एकाही रुग्णांची परिस्थिती गंभीर नाही अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.