Maval Corona Update : मावळात 13 नवीन रुग्ण; 8 जणांना डिस्चार्ज

एमपीसी न्यूज : मावळ तालुक्यात गुरूवार (दि.4) 13 रुग्णांचा चाचणी अहवाल पॉझिटिव्ह आला आहे. तर दिवसभरात 08 जणांना डिस्चार्ज देण्यात आला. आज एकाही रुग्णाचा कोरोनाने मृत्यू झाला नाही. सक्रिय रुग्णांची संख्या 133 आहे.

तळेगाव दाभाडे नगरपरिषद व वडगाव नगरपंचायतीच्या हद्दीत एकही रूग्ण सापडला नाही. लोणावळा नगरपरिषदेच्या हद्दीत 07 रूग्ण सापडले. सध्या रुग्णालयात 133 रुग्ण उपचार घेत आहेत. तालुक्यातील कोरोनाबाधितांची एकूण संख्या 8370 झाली आहे. तर दिवसभरात 08 जणांना डिस्चार्ज देण्यात आला.

गुरूवारी आढळलेल्या कोरोना रुग्णांमध्ये शहरी भागात 07 रुग्ण सापडले तर ग्रामीण भागात कुरवंडे व कामशेत प्रत्येकी 02 रूग्ण तर टाकवे बुद्रुक व कुसगाव बुद्रुक येथे प्रत्येकी 01 रूग्ण सापडला.

सध्या 133 रुग्ण सक्रिय रुग्ण आहेत. 8005 जणांना आतापर्यंत डिस्चार्ज देण्यात आला आहे. मावळ तालुक्यातील आज एकाही रुग्णाचा मृत्यू झाला नाही. आतापर्यंत 232 रुग्णांचा मृत्यू झाला आहे.

तळेगाव नगरपरिषद हद्दीत सर्वाधिक 2567, लोणावळा नगरपरिषद हद्दीत 1658 व वडगाव नगरपंचायत हद्दीत 551 रुग्ण सापडले आहेत.

शहरी भागात 4776रुग्ण तर ग्रामीण भागात 3594 रुग्ण आढळून आले आहेत. एकाही रुग्णांची परिस्थिती गंभीर नाही अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.