Moshi : पादचारी महिलेचे मंगळसूत्र हिसकावले
एमपीसी न्यूज – रस्त्याने पायी जाणाऱ्या महिलेच्या (Moshi) गळ्यातील मंगळसूत्र दोन चोरट्यांनी जबरदस्तीने हिसकावून नेले. ही घटना रविवारी (दि. 13) रात्री साडेनऊ वाजताच सुमारास मोशी टोलनाक्याजवळ घडली.
याप्रकरणी महिलेने दोन अनोळखी चोरट्यांच्या विरोधात एमआयडीसी भोसरी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, फिर्यादी महिला त्यांचा भाऊ आणि भाची सोबत (Moshi) मोशी टोल नाक्याजवळून जात होत्या. त्यावेळी दुचाकीवरून आलेल्या दोन चोरट्यांनी फिर्यादीच्या गळ्यातील 75 हजार रुपये किमतीचे मिनी मंगळसूत्र जबरदस्तीने हिसकावून नेले. एमआयडीसी भोसरी पोलीस तपास करीत आहेत.
