Mumbai : मुंबई विमानतळावर सीमाशुल्क विभागाने जप्त केले तीन किलो सोने
एमपीसी न्यूज – मुंबई सीमाशुल्क विभाग तीनच्या विमानतळ (Mumbai)आयुक्तालयाने 1 ते 4 मार्च या चार दिवसांत छत्रपती शिवाजी महाराज आंतरराष्ट्रीय विमानतळावर दहा वेगवेगळ्या कारवाया केल्या. या दहा प्रकरणांमध्ये 1.66 कोटी रुपयांचे 3.03 किलो सोने आणि दोन आयफोन जप्त करण्यात आले आहेत.
एका प्रकरणात इंडिगो एअरलाइन्सच्या कर्मचाऱ्यांना इंडिगो विमान 6E 1122 (फुकेत ते मुंबई) मधून 24 केटी सोन्याचा 700 ग्रॅमचा दावा न केलेला सोन्याचा बार प्रवासी सीटच्या खाली आढळून आला. जप्त केलेले सोने मुंबईच्या सीमाशुल्क अधिकाऱ्याकडे सुपूर्द करण्यात आले असून, तपास सुरू आहे.
दुसऱ्या प्रकरणात एअर इंडिया विमान AI 920 द्वारे दुबई ते(Mumbai) मुंबई प्रवास करत असलेल्या भारतीय नागरिकाला अडवण्यात आले आणि गुदाशयात 390 ग्रॅम निव्वळ वजनाचे मेणातले 24 KT गोल्ड डस्ट लपवून ठेवलेले आढळून आले.
सातव्या प्रकरणात, स्पाईसजेट विमान SG 60 द्वारे दुबईहून स्पाईसजेट विमान SG 60 द्वारे दुबईहून मुंबईला जाणाऱ्या आणखी एका भारतीय नागरिकाला अडवण्यात आले. त्याने 24 कॅरेट सोन्याचे दागिने आणि 22 कॅरेट सोन्याची साखळी असे एकूण 220.00 ग्रॅम वजनाचे सोने शरीरात लपवून ठेवलेले आढळून आले. आठव्या प्रकरणात, दुबईहून मुंबईला एमिरेट्स फ्लाइट EK 504 द्वारे प्रवास करत असलेल्या एका भारतीयाला अडवण्यात आले. त्या व्यक्तीने परिधान केलेल्या कपड्यांमध्ये 220 ग्रॅम वजनाचे 24 कॅरेट सोन्याचे रोडियम प्लेटेडकडे ठेवलेले आढळले.
नवव्या प्रकरणात, एअर इंडियाच्या एआय 984 विमानाने दुबई ते मुंबई असा प्रवास करणाऱ्या आणखी एका भारतीयाला 24 कॅरेट सोन्याचे दागिने, थोडियम प्लेटेड नाणी, 215 ग्रॅम वजनाचे वायरचे कापलेले तुकडे आणि दोन आयफोन देखील जप्त करण्यात आले. या व्यक्तीच्या अंगावर सोन्याचे दागिने लपवून ठेवलेले आढळून आले, सोन्याच्या तारेचे कापलेले तुकडे अमूल बटर, रुमाल आणि कपड्यांमध्ये तर आयफोन हाताच्या पिशवीत लपवून ठेवण्यात आले होते.
दहाव्या प्रकरणात अन्य एक भारतीय नागरिक, इंडिगोच्या 6E 1395 विमानाने दुबई ते मुंबई प्रवास करत होता आणि त्याच्या शरीरावर 200 ग्रॅम वजनाच्या दोन 24 कॅरेट सोन्याच्या साखळ्या लपवलेल्या आढळल्या.