Mumbai News: पर्यावरण मंत्री आदित्य ठाकरे कोरोना पॉझिटीव्ह
एमपीसी न्यूज – राज्याचे पर्यटन, पर्यावरण, राजशिष्टाचार मंत्री आदित्य ठाकरे यांना कोरोनाची लागण झाली आहे. त्यांनी स्वत: ट्विट करुन याबाबतची माहिती दिली आहे.
आदित्य ठाकरे ट्विटमध्ये म्हणतात, माझी कोविड चाचणी पॉझिटिव्ह आली आहे. माझ्या संपर्कात आलेल्या सर्वांनी काळजी घ्यावी व चाचणी करून घ्यावी. माझी सर्वांना विनंती आहे की कायम मास्क घाला आणि आपली व आपल्या परिवाराची काळजी घ्या, असे आवाहनही त्यांनी केले आहे.
माझी कोविड चाचणी पॉझिटिव्ह आली आहे. माझ्या संपर्कात आलेल्या सर्वांनी काळजी घ्यावी व चाचणी करून घ्यावी. माझी सर्वांना विनंती आहे की कायम मास्क घाला आणि आपली व आपल्या परिवाराची काळजी घ्या.
— Aaditya Thackeray (@AUThackeray) March 20, 2021
दरम्यान, राज्यात कोरोनाची दुसरी लाट आली आहे. कोरोनाच्या रुग्णसंख्येत झपाट्याने वाढ होत आहे. यापूर्वी उपमुख्यमंत्र्यांसह 10 ते 12 मंत्र्यांना कोरोनाची लागण झाली होती.
