PMPML : पीएमपीएमएलकडून माफक दरात प्रासंगिक करार बससेवा
एमपीसी न्यूज : पुणे महानगर परिवहन महामंडळामार्फत (PMPML) दिली जाणारी प्रासंगिक करार बससेवा माफक दरात उपलब्ध करून देण्यात येणार आहे. नागरीक, शाळा, महाविद्यालये यांच्या मागणीनुसार लग्न समारंभ, सहल व इतर कार्यक्रमांकरिता प्रासंगिक कराराने परिवहन महामंडळाच्या संचलन कार्यक्षेत्रापर्यंत ठराविक दराने बसेस देण्यात येतात.
सुरक्षित व सुखकर प्रवास, किफायतशीर दर ही पीएमपीएमएलच्या प्रासंगिक करार बससेवेची वैशिष्ट्ये आहेत. पीएमपीएमएल कडून प्रासंगिक करार बससेवेचे माफक दर खालीलप्रमाणे निश्चित करण्यात आले आहेत.
सोमवार ते शनिवार करिताचे दर
| अ.क्र. | तपशील | सीएनजी बसचे दर (रूपयांत) | ई–बसचे दर (रूपयांत) |
| 1 | 8 तासांकरीता जीएसटी सह | 8469/- | 9951/- |
| 2 | 16 तासांकरीता जीएसटी सह | 16940/- | 19903/- |
| 3 | प्रस्तावित दराच्या 50 टक्के याप्रमाणे सोडणे/आणणे (एकेरी खेपा) जीएसटी सह | 4234/- | 4975/- |
रविवार करिताचे दर (PMPML)
| अ.क्र. | तपशील | सीएनजी बसचे दर (रूपयांत) | ई–बसचे दर (रूपयांत) |
| 1 | 8 तासांकरीता जीएसटी सह | 6352/- | 7463/- |
| 2 | 16 तासांकरीता जीएसटी सह | 12705/- | 14927/- |
| 3 | प्रस्तावित दराच्या 50 टक्के याप्रमाणे सोडणे/आणणे (एकेरी खेपा) जीएसटी सह | 3176/- | 3731/- |
तरी पीएमपीएमएल च्या सुधारीत दरातील प्रासंगिक करार बससेवेचा लाभ सर्व शाळा, कॉलेज, नागरीक, खाजगी व आय.टी. कंपन्या, नोकरदार यांनी घ्यावा असे आवाहन परिवहन महामंडळाकडून करण्यात येत आहे.
