Pimpri : एचए स्कूलच्या प्राथमिक विभागातील विद्यार्थ्यांकडून इस्रोचे आभार

भारतीय अंतराळ संशोधन संस्थेने ( इस्रो) चंद्रावर पाठवलेले चांद्रयान यशस्वीपणे चंद्रावरती अवतरले. शास्त्रज्ञांच्या या यशाबद्दल देशभरातून कौतुक होत आहे. त्यातच पिंपरी येथील एच ए स्कूलच्या प्राथमिक विभागातील विद्यार्थ्यांनी शास्त्रज्ञांचे आभार मानत त्यांच्या प्रति कृतज्ञता व्यक्त केली.

शाळेच्या मुख्याध्यापिका सुरेखा जाधव यांच्या संकल्पनेतून शाळेतील सर्व विद्यार्थ्यांकडून ‘Thank You ISRO’ च्या आकारात बसून चांद्रयान तीन यशस्वी करणाऱ्या शास्त्रज्ञ आणि सहकाऱ्यांना विद्यार्थ्यांकडून एक मोठा धन्यवाद देण्यात आला.

आम्हीही शास्त्रज्ञ होणार, आम्हीही जगामध्ये देशाचे नाव मोठे करणार ही प्रतिज्ञा घेण्यात आली. यामध्ये इयत्ता पहिली ते चौथीच्या सर्व विद्यार्थ्यांनी सहभाग घेतला. जेष्ठ शिक्षक अर्चना गोरे, डॉ. विठ्ठल मोरे यांनी मार्गदर्शन केले.

क्रीडा शिक्षक जॉन स्वामी, सीमा हांगे, शुभांगी गवारी, रूपाली जाधव, योगेश आंबेकर यांनी नियोजन (Pimpri) केले.