PMC : वाढत्या शहरीकरणामुळे पुणे महापालिकेने उचलले भूजल संवर्धनाचे महत्त्वाचे पाऊल

एमपीसी न्यूज : जलद शहरीकरणामुळे (PMC ) वाढत्या पाण्याच्या मागणीला लक्ष करत पुणे महानगरपालिकेने (PMC)  भूजल संवर्धनाची मोहीम हाती घेतली आहे. पाणीपुरवठ्याच्या वाढत्या आव्हानांचा सामना करण्यासाठी पीएमसीने जलस्रोतांचे सर्वंकष सर्वेक्षण करणे आणि भूजल पुनर्भरण धोरण राबविण्याऱ्या योजनांचे अनावरण केले आहे.

PMC ने या संवर्धन उपक्रमांवर देखरेख आणि समन्वय साधण्यासाठी समर्पित भूजल कक्ष स्थापन करून महत्त्वपूर्ण पाऊल उचलले आहे. शहरातील निवडक उद्याने आणि तलावांमध्ये संवर्धनाचे प्रयत्न सुलभ करण्यासाठी पुरेसा निधी देखील उपलब्ध झाला आहे.

याबाबत सांगताना पीएमसीचे पर्यावरण अधिकारी मंगेश दिघे यांनी म्हंटले, की  “वाढत्या शहरीकरणामुळे आमच्या शहराच्या संसाधनांवर मोठा ताण पडत आहे. शाश्वत पाणी व्यवस्थापनावर लक्ष केंद्रित करून आम्ही या आव्हानाला तोंड देण्यासाठी वचनबद्ध आहोत.  शहराच्या पाणीपुरवठ्यासाठी भूजल महत्त्वपूर्ण आहे आणि त्याचे संवर्धन करणे आवश्यक आहे.”

नॅशनल इन्स्टिट्यूट ऑफ अर्बन अफेअर्स (NIUA) ने PMC च्या भूजल संवर्धन प्रकल्पांना पाठिंबा देण्यासाठी 20 लाख रुपये दिले आहेत.

भूजल पुनर्भरणासाठी पीएमसीने जीपी प्रधान गार्डन, कलमाडी उद्यान, शाहिद हेमंत करकरे उद्यान, घोरपडे गार्डन, कै जयसिंगराव ससाणे गार्डन आणि शिवरकर उद्यान यासह अनेक उद्यानांची निवड केली आहे.

Maratha Reservation : खोटी आणि भंपक आश्वासन देऊन राज्य सरकारने समाजाला फसविले – रवींद्र धंगेकर

“आमच्या पथदर्शी प्रकल्पात, आम्ही सुरुवातीला घोरपडे गार्डन, कै जयसिंगराव ससाणे गार्डन आणि शिवरकर उद्यान या तीन उद्यानांवर लक्ष केंद्रित करत आहोत. या ठिकाणी भूजल पुनर्भरणासाठी अंदाजे 80 लाख रुपये खर्च होणार असल्याचे मुख्य अधीक्षक अभियंता अशोक घोरपडे यांनी सांगितले.

हरणतळे, उरुळी देवाची, धायरी आणि उत्तमनगर येथील तलावांमध्ये तसेच निवडक उद्यानांमध्ये बोअरवेलमधील भूजल पातळी वाढवण्याच्या दृष्टीने काम (PMC) करण्यात येणार आहे. जसजसे पुण्याचे शहरी पाऊल विस्तारत चालले आहे, तसतसे शाश्वत जल व्यवस्थापनाचे महत्त्व अधिकाधिक स्पष्ट होत आहे.

भूजल संवर्धनावर नव्याने दिलेला भर, शहराच्या सतत वाढणाऱ्या पाण्याच्या मागण्या पूर्ण करण्यासाठी आणि भविष्यासाठी त्याचा पाणीपुरवठा सुरक्षित करण्यासाठी पुणे महापलिकेने दूरगामी दृष्टिकोन ठेवत महत्त्वाचे पाऊल उचलले आहे.