Pune : डॉ. बाबासाहेब आंबेडकर जयंतीनिमित्त शहरातील वाहतुकीत बदल

एमपीसी न्यूज – डॉ. बाबासाहेब आंबेडकर जयंतीनिमित्त (Pune) रविवारी (दि. 14 ) शहरातील पुणे स्टेशन, अरोरा टॉवर कॅम्प, विश्रांतवाडी आणि दांडेकर पूल परिसरात  मोठ्या प्रमाणावर मिरवणूक  असते. या मिरवणूकीला नागरिकांची प्रचंड गर्दी असते. म्हणूनच  या  मार्गावरील वाहतूक आवश्यकतेनुसार इतर पर्यायी मार्गांनी वळविण्यात येणार आहे. हा बदल 13 एप्रिल रोजी सायंकाळी सात वाजल्यापासून 14 एप्रिल रोजी रात्री दोन वाजेपर्यंत राहील. वाहन चालकांनी पर्यायी मार्गांचा वापर करून पोलिसांना सहकार्य करावे, असे आवाहन वाहतूक शाखेचे पोलिस उपायुक्त रोहिदास पवार यांनी केले आहे.

Talegaon Dabhade : देविदास सावंत,मारुती केंजळे, हर्षवर्धन कदम यांचा गाडा ठरला घाटाचा राजा

वाहतुकीत करण्यात आलेले बदल –

शाहीर अमर शेख चौकाकडून मालधक्का चौकाकडे जाणारी वाहतूक शाहीर अमर शेख चौकातून वळविण्यात येत आहे.

पर्यायी मार्ग- शाहीर अमर चौकाकडून मालधक्का चौकाकडे जाणारी वाहने आरटीओ चौक जहाँगीर चौकमार्गे इच्छित स्थळी जातील.

जीपीओ चौकातून मालधक्का चौकाकडे जाणारी वाहतूक जीपीओ चौकातून वळविण्यात येत आहे.

पर्यायी मार्ग- जीपीओ चौकातून मालधक्का चौकाकडे जाणारी वाहतूक किराड चौक नेहरू मेमोरिअल चौकमार्गे इच्छित स्थळी जाईल.

पुणे स्टेशन चौकातून मालधक्का चौकाकडे जाणारी वाहतूक पुणे स्टेशन चौकातून वळविण्यात येणार आहे.

पर्यायी मार्ग- पुणे स्टेशन अलंकार चौकमार्गे इच्छितस्थळी.