Pune Corona Update : पुण्यात नवे 180 रुग्ण ; 265 जणांना डिस्चार्ज
एमपीसी न्यूज : देशात कोरोना लसीकरणाला सुरूवात झाली आहे. त्या पार्श्वभुमीवर पुण्यात 180 नवे रुग्ण सापडले असून 265 जणांना डिस्चार्ज देण्यात आला आहे.
महापालिकेच्या आरोग्य विभागाच्या आकडेवारीनुसार पुणे शहर आणि उपनगरात ॲक्टिव्ह रुग्णांची संख्या 1407 इतकी झाली आहे. आज एकाही रुग्णाचा मृत्यू झालेला नाही. आजपर्यंत 112 रुग्ण गंभीर असून 212 रुग्ण ऑक्सिजन बेडवर उपचार घेत आहेत.
नागरिकांनी घराबाहेर पडताना तोंडाला मास्क लावावे, हात स्वच्छ धुवावे तसेच शारीरिक आंतरपालन करण्याचे नियम पाळावेत. तसेच कोरोनाची लक्षणे आढळल्यास नजिकच्या डॉक्टरांकडून तपासणी करून औषधोपचार करावा, असे आवाहन पुणे महापालिकेच्या वतीने करण्यात आले आहे.
