Pune News: अल्पसंख्याक विद्यार्थ्यांसाठी शैक्षणिक कर्ज योजनेकरीता अर्ज करण्याचे आवाहन
एमपीसी न्यूज : मौलाना आजाद अल्पसंख्यांक आर्थिक विकास महामंडळामार्फत अल्पसंख्याक समुदायातील विद्यार्थ्यांच्या उच्च शिक्षणाकरीता 2022-23 या शैक्षणिक वर्षामधील (Pune News) कर्ज योजनेचे अर्ज स्वीकारण्याची कार्यवाही सुरू असून इच्छुकांना अर्ज करण्याचे आवाहन करण्यात येत आहे.
मुस्लिम, ख्रिश्चन, बोद्ध, जैन, पारसी, शिख, ज्यू या अल्पसंख्याक समुदायातील विद्यार्थ्यांच्या वैद्यकीय, अभियांत्रिकी, एमबीए, औषधशास्त्र आदी अभ्यासक्रमांच्या उच्च शिक्षणाकरीता कर्ज देण्यात येणार आहे.
अधिक माहितीकरीता https://www.malms.maharashtra.gov.in या संकेतस्थळाला भेट द्यावी अथवा मौलाना आजाद अल्पसंख्याक आर्थिक विकास महामंडळ मर्या, 647, गोल्डन ज्युबिली इमारत, पुणे विद्यालयासमोर, हरका नगर, भवानी पेठ- 411042 या पत्त्यावर संपर्क साधावा. (Pune News) योजनेचा लाभ अल्पसंख्याक समाजातील जास्तीत जास्त विद्यार्थ्यांनी घ्यावा, असे आवाहन महामंडळाचे प्रभारी जिल्हा व्यवस्थापक रिजवान पठाण यांनी केले आहे.
