Pune Fruit Price : पावसाचा डाळिंबाला फटका; फुलांनाही मागणी कमी

एमपीसी न्यूज – राज्यात सर्वत्र  झालेल्या पावसाचा फटका डाळींबालाही बसला आहे. औषध फवारणी अभावी तेल्या रोगाचा प्रादुर्भाव वाढल्यामुळे डाळींबाची आवक निम्म्याने घटली आहे. त्या तुलनेत मागणी जास्त असल्याने भावात 15 ते 20 टक्‍क्‍यांनी वाढ झाली आहे.

मागणी घटल्याने लिंबाच्या भागात गोणीमागे 50 रुपयांनी घट झाली आहे. मागणी व पुरवठा यातील समतोलामुळे उर्वरित सर्व फळांचे भाव गेल्या आठवड्याच्या तुलनेत स्थिर आहेत.

रविवारी बाजारात केरळ येथून अननस 3 ट्रक, मोसंबी 65 ते 70 टन, संत्री 15 ते 20 टन, डाळिंब 40 ते 50 टन, पपई 25 ते 30 टेम्पो, लिंबे अडीच ते तीन हजार गोणी, चिक्कू 1 हजार बॉक्‍स क्रेटस्‌, कलिंगड 10 ते 15 टेम्पो, सिताफळ 10 ते 15 टन, बोरे 50 ते 60 गोणी व खरबुजाची 4 ते 5 टेम्पो आवक झाली.

फळांचे भाव :
लिंबं (प्रति गोणी) : 150-300, अननस (डझन) : 70-270, मोसंबी : (3 डझन) : 120-280, (4 डझन ) : 40-110, संत्रा : (10 किलो) : 100-650, डाळींब (प्रति किलोस) : भगवा : 30-150, गणेश : 5-30, आरक्ता 10-50. कलिंगड : 5-20, खरबुज : 10-30, पपई : 5-20, चिक्कू : 100-700, सिताफळ 10-120, बोरे (10 किलो) : चमेली 120-150, उमराण 50-70, चेकनट 600-700.