Pune News : पीएमपीएमएल कडून सवाई गंधर्व भीमसेन महोत्सवासाठी विशेष बससेवा
एमपीसी न्यूज : पुणे शहराच्या सांस्कृतिक क्षेत्रामध्ये अग्रमानांकित असणारा 68 वा सवाई गंधर्व भीमसेन महोत्सव 2022 महाराष्ट्रीय मंडळ क्रिडा संकुल, मुकुंदनगर, पुणे (Pune News) येथे आयोजित करण्यात आला आहे. सदर महोत्सवाकरीता परिवहन महामंडळाकडून दरवर्षी प्रमाणे विशेष बससेवा पुरविण्यात येत आहेत. सदरच्या कार्यक्रमास पुणे व पिंपरी-चिंचवड शहरांच्या विविध भागांतून असंख्य रसिक श्रोतावर्ग उपस्थिती दर्शवतात. रसिक श्रोत्यांची गैरसोय होउ नये यासाठी परिवहन महामंडळाकडून 25 टक्के जादा दराने बसेस उपलब्ध करून दिल्या आहेत.
सवाई गंधर्व महोत्सवासाठी पीएमपीएमएल कडून उपलब्ध करून देण्यात आलेल्या बसेसचा तपशील खालीलप्रमाणे
अ.क्र. मार्गाचे नाव मार्गे मुकुंदनगर येथून बस सुटण्याची वेळ 25 टक्के जादा दराने तिकीट दर रक्कम रू.
1 मुकुंदनगर ते निगडी भक्ती शक्ती
(मार्ग क्र. 42 ने)
दांडेकर पूल, डेक्कन, वाकडेवाडी,
कासारवाडी, पिंपरी, चिंचवड स्टेशन
रात्री 10.30 वा. 40/-
2 मुकुंदनगर ते धायरी मारूती
मंदिर (मार्ग क्र. 117 ने)
दांडेकर पूल, विठ्ठलवाडी, आनंदनगर,
वडगांव फाटा, धायरी गांव
रात्री 10.30 वा. 25/-
3 मुकुंदनगर ते कोथरूड डेपो
(मार्ग क्र. 103 ने)
टिळक रोड, डेक्कन कॉर्नर, पौड फाटा,
जयभवानीनगर, वनाज कंपनी
रात्री 10.30 वा. 20/-
4 मुकुंदनगर ते वारजे माळवाडी
(मार्ग क्र. 72 ने)
डेक्कन कॉर्नर, पौड फाटा, कोथरूड स्टॅण्ड,
गांधी भवन, कर्वेनगर
रात्री 10.30 वा. 25/-
वरील तक्त्यात दर्शविलेली बससेवा ही 18 डिसेंबर 2022 पर्यंत उपलब्ध आहे. तरी सवाई गंधर्व संगीत महोत्सवाच्या रसिक श्रोत्यांनी पीएमपीएमएलच्या बससेवेचा लाभ जास्तीत जास्त प्रमाणात घ्यावा, असे आवाहन पुणे महानगर परिवहन महामंडळाकडून करण्यात आले आहे.
