Pune : शिवसेना नेत्या डॉ. नीलम गोऱ्हे यांनी पुणे शहर आणि जिल्ह्यातील लोकसभा मतदारसंघाचा घेतला आढावा

जनतेच्या हितासाठी केलेल्या कामांची माहिती जनतेपर्यंत पोहोचावी याकरिता सर्वांनी सोशल मीडियावर स्वतःचे खाते सुरू केले पाहिजे, यामध्ये खास करून ट्विटर, इंस्टा यांसारख्या समाजमाध्यमांचा  प्रभावीपणे वापर करणे आवश्यक आहे. लवकरच महायुतीच्या सर्व महिलांचा मेळावा आयोजित करण्यात येणार आहे. कोणीही नाराज न होता महायुतीच्या उमेदवाराचा प्रचार करायचा आहे. मुख्यमंत्री एकनाथ शिंदे यांचे हात बळकट करण्यासाठी एकजुटीने सर्व महायुतीच्या उमेदवारांचा प्रचार करायचा, असे यावेळी शिवसेना नेत्या डॉ. नीलम गोऱ्हे यांनी सांगितले.

शिवसेना पुणे महिला आघाडीच्या प्रमुख पदाधिकाऱ्यांची आढावा बैठक बाळासाहेब भवन पुणे येथे आयोजित करण्यात आली होती. त्यावेळी शिवसेना नेत्या डॉ. नीलम गोऱ्हे बोलत होत्या. यावेळी जिल्हा प्रमुख शैलाताई पाचपुते, कांताताई पांढरे आणि संपर्क प्रमुख गीतांजली ढोणे यांनी मनोगत मांडले. याप्रसंगी शिवसेना नेत्या डॉ. नीलमताई गोऱ्हे, शिवसेना पुणे शहर प्रमुख प्रमोदनाना भानगिरे, शिवसेना जिल्हा प्रमुख रमेश कोंडे, शिवसेना महिला आघाडीच्या पुणे शहर, महिला सह संपर्क प्रमुख सुदर्शना त्रिगुणाईत उपस्थित होत्या.

तसेच शहर प्रमुख पूजा रावेतकर, शिरूर महिला संपर्क प्रमुख सारिका पवार, जि. प्रमुख मनिषा परांडे, मावळ महिला संपर्क प्रमुख शैला पाचपुते, पिंपरी चिंचवड महिला शहर प्रमुख सरिता साने, बारामती लोकसभा महिला संपर्क प्रमुख गितांजली ढोणे, भोर वेल्हा मुळशी महिला जिल्हा प्रमुख कांता पांढरे, लातुर महिला संपर्क प्रमुख रंजना कुलकर्णी, शिवसेना महिला पदाधिकारी कांचन दोडे, अक्षता धुमाळ, मोहिनी कदम, सुरेखा कदम पाटील, उषाताई शेळके, प्रतिभा करडे, शिवकामगार सेना सुधिर कुरूमकर, शिवसेना पदाधिकारी संजय डोंगरे आणि अन्य शिवसेना महिला पदाधिकारी उपस्थित होत्या.