SSR Case : सुशांतची आत्महत्याच; एम्सकडून अंतिम अहवाल सादर
एमपीसी न्यूज – अभिनेता सुशांत सिंग मृत्यू प्रकरणात एम्स रुग्णालयातील टीमने सीबीआयकडे अंतिम अहवाल सोपवला आहे. या अहवालात हत्येचा दावा पूर्पणणे फेटाळण्यात आला असून सुशांतने आत्महत्या केल्यावर शिक्कामोर्तब करण्यात आलं आहे. ‘एएआय’ या वृत्तसंस्थेने याबाबत वृत्त दिले आहे.
एम्सचे डॉ. सुधीर गुप्ता यांनी ‘एएआय’ या वृत्तसंस्थेला दिलेल्या माहितीनुसार, सुशांतचा मृत्यू आत्महत्येमुळे झाला असून हत्येचा दावा फेटाळला असल्याचं त्यांनी सांगितलं आहे.
AIIMS rules out murder by strangulation in Sushant Singh Rajput death case
Read @ANI Story | https://t.co/eFS5JSSyZ2 pic.twitter.com/8CX3ZcPtE3
— ANI Digital (@ani_digital) October 3, 2020
एम्स रुग्णालयाकडून सुशांत सिंहच्या मृत्यूचं नेमकं कारण शोधण्यासाठी प्रयत्न सुरु होता. यासाठी डॉ. सुधीर गुप्ता यांच्या नेतृत्त्वाखाली तज्ञ डॉक्टरांची एक टीम तयार करण्यात आली होती. डॉक्टरांच्या टीमने अभ्यास पूर्ण करुन सीबीआयकडे अहवाल सोपवला होता.
सीबीआयने एम्स रुग्णालयाकडे पोस्टमॉर्टम तसंच व्हिसेरो अहवालाचा अभ्यास करण्याची विनंती केली होती.
एम्स डॉक्टरांनी दिलेली माहिती आणि सीबीआय तपासात समोर आलेल्या गोष्टी एकत्र करुन पडताळून पाहिल्या जात आहेत. सूत्रांनुसार, एम्सच्या डॉक्टरांनी दिलेली माहिती तज्ञांचं मत म्हणून ग्राह्य धरलं जाणार असून त्यांना साक्षीदार म्हणूनही उभं केलं जाऊ शकतं.
सुशांत सिंहचा 14 जून रोजी वांद्रे येथील राहत्या घरात मृतदेह आढळला होता. सुशांतने आत्महत्या केली असल्याचं मुंबई पोलिसांनी सांगितलं असलं तरी ही हत्या असावी, असा संशय व्यक्त केला जात आहे.
सुप्रीम कोर्टाच्या आदेशानंतर सीबीआय याप्रकरणी तपास करत असून आपण सर्व बाजूंची पडताळणी करत असल्याचं त्यांनी म्हटलं आहे.