Gahunje news: पवना नदीच्या पुलावरुन सेल्फी कढताना मृत्यू झालेल्या युवकाचा मृतदेह सापडला

मयताचे नाव इकतार अहमद असून त्याचे वय २५ वर्ष होते. चिंचवड मधील वाल्हेकरवाडी चिंचवडे नगर पुणे येथील तो रहीवासी होता.

काल १५ ऑक्टोबर रोजी शिरगाव साळुंब्रेला जोडणारा पवना नदीवरील पुलावरुन सेल्फी कढताना एकाचा बुडून मृत्यू झाला होता. अशी माहिती ॲड. सारीका आगळे, गहुंजे पोलीस पाटील आणि आरती अतुल बंडलकर, साळुंब्रे पोलीस पाटील यांनी काल संध्याकाळी 5 वा दिली होती. त्यामुळे लगेच वन्यजीव रक्षक मावळ संस्थेचे व आपत्ती व्यवस्थापन सर्च अँड रेस्क्यू टीम चे पथक घटनास्थळी पोहोचले.

शिरगांव पोलीस ठाण्याचे कर्मचारी देखील आले होते.तळेगाव दाभाडे नगरपालिका आणि तळेगाव दाभाडे एमआयडीसी चे अग्निशमन विभागाचे कर्मचारी सुद्धा तेथे पोहोचले होते. सर्वांनी नदीत शोध घेतला पण मृतदेह काही सापडला नाही. अंधार झाल्यामुळे शोध रात्री 7 वा. थांबवण्यात आला होता. आज सकाळी पुन्हा सर्व जन घटनास्थळी मृतदेह शोधगण्यासाठी गेले होते. सकाळी 11 वा. चे सुमारास मृतदेह नदीच्या मदोमध मिळाला.