Today’s Horoscope 06 July 2023 – जाणून घ्या आजचे राशिभविष्य

आजचे पंचांग – Today’s Horoscope 06 July 2023
वार – गुरुवार.
06.07.2023
शुभाशुभ विचार- क्षयतिथी.
आज विशेष- संकष्ट चतुर्थी.(चंद्रोदय- 22.09)
राहू काळ – दुपारी 01.30 ते 3.00
दिशा शूल – दक्षिणेस असेल.
आजचे नक्षत्र – धनिष्ठा
चंद्र राशी – मकर 13.38 पर्यंत नंतर कुंभ.
—————————————-
मेष – ( शुभ रंग- चंदेरी )
आज तुमच्यासाठी उत्साह पूर्ण दिवस असून प्रत्येक गोष्टीकडे तुम्ही सकारात्मक दृष्टिकोनातून पाहल. वेळेचे योग्य नियोजन केल्याने आज कार्यक्षेत्रात यश दृष्टीक्षेपात येईल.

वृषभ (शुभ रंग- क्रीम)
कार्यक्षेत्रात ध्येयप्राप्तीसाठी अथक परिश्रम करण्याची तयारी ठेवावी लागेल. जाहिरातीसाठी नवीन माध्यमे वापरावी लागतील. जुन्या तत्त्वांना मुरड घालावी लागेल.

मिथुन ( शुभ रंग- लाल)
कामाच्या ठिकाणी विरोधक चुका काढण्यासाठी टपून बसलेले आहेत. वरिष्ठांची आपल्यावर मर्जी आहेच अशा भ्रमात राहू नका. संध्याकाळी सज्जनांचे पाय धरायला लागतील.

कर्क (शुभ रंग- पिस्ता)
केवळ मोठेपणासाठी आज न झेपणाऱ्या जबाबदाऱ्या स्वीकारू नका. आज तुम्हाला थोडी विश्रांतीची गरज आहे. जोडीदाराच्या भावना जपण्याचा आज प्रयत्न कराल.

सिंह (शुभ रंग- सोनेरी )
आज काही आरोग्याच्या तक्रारीने तुम्ही त्रस्त असाल. वेळीच डॉक्टरांचा सल्ला घ्या. वैवाहिक जीवनात काही मतभेद संभवतात जोडीदाराची बाजू समजून घेणे गरजेचे.

कन्या ( शुभ रंग- मोतिया ) – Today’s Horoscope 06 July 2023
दुकानदारांची उधारी वसूल होईल आजारी व्यक्तींच्या प्रकृतीत चांगलीच सुधारणा दिसून येईल वैवाहिक जीवनात आज जुन्या फोटोंचा अल्बम चाळणे हिताचे राहील.

तूळ ( शुभ रंग- मरून)
हौशी मंडळी आज जीवाची मुंबई करण्यासाठी पैसा खर्च करतील. आज गृहिणी घर सजावटीवर भर देतील. नवोदित कलाकारांना प्रयत्न वाढवावे लागणार आहेत.

वृश्चिक (शुभ रंग- पांढरा)
वास्तु व वाहन खरेदी विक्रीचे व्यवहार आज टाळले तर बरे होईल. गृहिणींना आज माहेरची ओढ लागेल. विद्यार्थी आज अभ्यासा व्यतिरिक्त सर्व काही करतील.

धनु- (शुभ रंग- निळा)
आज तुम्ही गोड बोलून विरोधकांची ही मने जिंकाल. एखाद्या कामासाठी आज तुम्हाला शेजाऱ्यांची मदत घ्यावी लागेल. आज काही दुरावलेली नाती जवळ येतील.

मकर ( शुभ रंग- गुलाबी)
कार्यक्षेत्रात तुमच्या शब्दाला मान राहील. व्यापाऱ्यांची आवक मुबलक राहील. आज कारण नसताना इतरांच्या भानगडीत तुम्ही लक्ष घालाल. प्रवासात थोडाफार खोळंबा संभवतो.

कुंभ (शुभ रंग – स्ट्रॉबेरी )
काही जणांना आज तातडीचे प्रवास घडण्याची शक्यता आहे. घरात थोरांच्या शब्दास मान द्यावा लागेल. प्रवासात आपल्या मौल्यवान वस्तूंची काळजी घ्यायला हवी.

मीन (शुभ रंग – राखाडी)
कार्यक्षेत्रात प्रगतीचा आलेख उंचावेल. आर्थिक बाजू भक्कम असेल. गृहिणी जीवनावश्यक वस्तूंची मनसोक्त खरेदी करतील. बेरोजगारांना रोजगाराच्या संधी उपलब्ध होतील.

शुभम भवतु

श्री जयंत कुलकर्णी.
ज्योतिष व वास्तु सल्लागार.
संपर्क 9689165424