Today’s Horoscope 13 October 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 13 October 2023 – जाणून घ्या आजचे राशिभविष्य
आजचे पंचांग –
वार – शुक्रवार.
13.10.2023.
शुभाशुभ विचार- चतुर्दशी वर्ज्य.
आज विशेष- चतुर्दशी श्राद्ध.
राहू काळ – दुपारी 10.30 ते 12.00.
दिशा शूल – पश्चिमेस असेल.
आजचे नक्षत्र – उत्तरा फाल्गुनी 14.11 पर्यंत नंतर हस्त.
चंद्र राशी – कन्या.
मेष – ( शुभ रंग- गुलाबी )
नोकरदारांसाठी आजचा दिवस अनुकूल असून तुम्ही केलेल्या कष्टांचे चीज होईल. वरिष्ठ तुमच्या कामाची दखल घेतील. अधिकारी कामगारांचे प्रश्न सोडवतील.
वृषभ (शुभ रंग- सोनेरी )
विविध मार्गाने अर्थ प्राप्ती होईल. सौंदर्य प्रसाधनांचे व्यवसाय आज तेजीत चालतील. रुग्णांच्या प्रकृतीत लक्षणीय सुधारणा दिसून येईल. आशादायी दिवस.
मिथुन ( शुभ रंग- स्ट्रॉबेरी )
आनंदी व उत्साही असा दिवस असून आज कुटुंबीयांना आपला जास्तीत जास्त वेळ देण्याचा तुमचा प्रयत्न असेल. रियल इस्टेट चे व्यवसाय आज तेजीत चालतील.
कर्क (शुभ रंग- मोरपंखी )
विविध मार्गाने येणारा पैसा विविध मार्गाने जाणार आहे. आज जास्तीत जास्त वेळ घराबाहेर जाईल. घराबाहेर वावरताना वादविवाद टाळा शेजारी सलोखा राहील.
सिंह (शुभ रंग- लाल )
आज तुमची आर्थिक बाजू भक्कम असेल कार्यक्षेत्रात आज तुमचा आत्मविश्वास वाढवणाऱ्या काही घटना घडतील. महत्त्वाच्या चर्चेत आपल्या मतांशी ठाम राहाल.
कन्या ( शुभ रंग- सोनेरी )
व्यवसायात भागीदारांशी एकमत राहील. अडचणीच्या प्रसंगी जोडीदाराची ही खंबीर साथ राहील. दुरावलेल्या नात्यातील गैरसमज दूर होऊन सलोखा वाढेल.
तूळ ( शुभ रंग- जांभळा )
आर्थिक व्यवहारात सावध रहा. आज भावनेच्या भरात कोणालाही शब्द देऊ नका. रात्रीच्या प्रवासात सावध असावे. आपल्या किमती वस्तूंची काळजी घ्या खर्च वाढणार आहे.
वृश्चिक (शुभ रंग- मोतिया)
आज उद्योग व्यवसायाच्या दृष्टीने अनुकूल दिवस. आज महत्त्वाची कामे उरकूनच घ्या. मोठे आर्थिक व्यवहार यशस्वी होतील. जुनी गुंतवणूक चांगला लाभ मिळवून देईल.
धनु- (शुभ रंग- आकाशी)
आज तुम्ही आपले अधिकार वापरून इतरांची कामे करू शकाल. अधिकारी वर्गाचे ही आज तुम्हाला चांगले सहकार्य राहील. आज फक्त आपल्या कर्तव्यास प्राधान्य द्याल.
मकर ( शुभ रंग- पांढरा)
नोकरी धंद्यात काही मनाविरुद्ध घटना घडल्याने तुम्हाला नैराश्य येईल. आज हातचे सोडून पळत्या मागे धावायचा मोह टाळा. स्वतःवर संयम असू द्या ज्येष्ठांना उपासनेची चांगली प्रचिती येईल.
कुंभ (शुभ रंग – डाळिंबी )
नोकरी व्यवसायात काही मनाविरुद्ध घटलेल्या घटनांनी तुम्हाला नैराश्य येईल. कार्यक्षेत्रात अनुभवींचे सल्ले उपयुक्त ठरतील. वाहन चालवताना वेगावर नियंत्रण ठेवावे.
मीन -(शुभ रंग – राखाडी )
कार्यक्षेत्रात नवीन आव्हाने आत्मविश्वासाने स्वीकाराल. आज वाणीत गोडवा ठेवाल तर अनेक किचकट कामे सोपी होतील. वैवाहिक जीवनात गोडी गुलाबी वाढेल.
श्री जयंत कुलकर्णी.
ज्योतिष व वास्तु सल्लागार.
संपर्क – 9689165424.