Today’s Horoscope 17 september 2022 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 17 september 2022 – जाणून घ्या आजचे राशिभविष्य
वार – शनिवार
तारीख 17.9.22
शुभाशुभ विचार – चांगला दिवस
आज विशेष – कालाष्टमी
राहू काळ – सकाळी 9.00 ते 10.30
दिशा शूल – पूर्वेस असेल
आजचे नक्षत्र – रोहिणी 12.21 पर्यंत नंतर मृग
————————————–
आजचे राशिभविष्य
मेष – (शुभ रंग – हिरवा)
आज तुमची मिळकत उत्तम असेल.गृहिणींना अचानक येणाऱ्या पाहुण्यांची उठबस करावी लागेल. फारच अर्जंट नसतील तर प्रवास टाळलेले बरे.विरोधकही आज मैत्रीचा हात पुढे करणार आहेत.
वृषभ – (शुभ रंग – सोनेरी)
कमी श्रमात जास्त लाभाच्या अपेक्षेने निराशाच पदरी पडेल.महत्त्वाचे निर्णय आज विचारांती घ्या.अडचणीच्या प्रसंगी आज जोडीदाराने दिलेले सल्ले महत्त्वाचे असतील.
मिथुन – (शुभ रंग – राखाडी)
मी पणा आज प्रगतीच्या आड येऊ शकतो.वाणीत गोडवा ठेवल्यास बरीच अवघड कामे सोपी होऊ शकतील.एखाद्या महत्त्वाच्या कामासाठी तातडीने प्रवासास निघावे लागेल.
कर्क – (शुभ रंग – पांढरा)
सर्वच दृष्टीने अनुकूल असलेला आजचा दिवस सत्कारणी लावा.आज केलेल्या कोणत्याही वाटाघाटी सकारात्मकतेने पार पडतील. जिवलग मित्रांकडून अपेक्षित सहकार्य मिळू शकेल.
सिंह – (शुभ रंग – निळा)
यशस्वी लोकांच्या सहवासात आज तुमचा जीवनाकडे बघण्याचा दृष्टिकोनच बदलेल कामाच्या व्यापात आज कुटुंबीयांसाठी वेळ देणे अवघड होईल.अति व्यस्त दिवस.
कन्या – (शुभ रंग- डाळिंबी)
आज कोणत्याही नवीन उपक्रमांची सुरुवात नको.घरात वडीलधारी मंडळींशी काही वादविवाद संभवतात.तुम्हाला आज जरा एकांताची गरज भासेल.ज्येष्ठ मंडळींची पावले सत्संगाकडे वळतील.
तूळ – (शुभ रंग- आकाशी)
आपल्या कार्यक्षेत्रात सम व्यवसायिकांना कमजोर समजू नका.नोकरीच्या ठिकाणी आज नियमांची अंमलबजावणी काटेकोरपणे करायला हवी.हितशत्रू टपूनच बसलेले आहेत सतर्क रहा.
वृश्चिक – (शुभ रंग – मरून)
व्यवसायात भागीदारांशी एकमत असेल.त्वरित घेतलेले महत्वाचे निर्णय योग्य ठरतील.वैवाहिक जीवनातही आज गोडी गुलाबी असून काही जुन्या स्मृती मनाला आनंद देतील.आशादायी दिवस.
धनु – (शुभ रंग – स्ट्रॉबेरी)
नोकरीच्या ठिकाणी विरोधकांच्या उचापती चालूच राहणार आहेत.आरोग्य विषयक तक्रारींची वेळीच दखल घेणे आवश्यक आहे.दुकानदारांची थकलेली येणी वसूल होतील.स्पर्धेत विजय नक्की.
मकर – (शुभ रंग- पिस्ता)
नोकरदारांना नोकरीत बदल करायचा असेल तर चांगल्या संधी उपलब्ध होतील.नवोदित कलाकारांच्या अथक परिश्रमांना यश येईल.रुग्ण ठणठणीत बरे होतील.सहकुटुंब मौजमजा.
कुंभ – (शुभ रंग – मोरपंखी)
जमीन खरेदी विक्रीचे काही व्यवहार मार्गी लागतील.विद्यार्थ्यांना अवघड वाटणाऱ्या विषयातही गोडी निर्माण होऊ शकेल.गृहिणींना आज अजिबात उसंत मिळणार नाही.
मीन – (शुभ रंग – भगवा)
आजचा दिवस धावपळीचा आहे. तुमचा आत्मविश्वास वृद्धिंगत करणारी एखादी घटना घडेल. उच्च अधिकारी असाल तर सह्या करण्यापूर्वी मजकूर नीट वाचून घ्या.
शुभम भवतु
श्री जयंत कुलकर्णी
फोन 9689165424
(ज्योतिष व वास्तु सल्लागार)