Alandi : एमआयटी महाविद्यालयात बीबीए आणि बीबीए-आयबी विभागाच्या रिइफ आणि रॉ क्लबसाठी व्याख्यान आणि स्पर्धांचे आयोजन
एमपीसी न्यूज : आळंदी येथील एमआयटी महाविद्यालयात (Alandi) वुमन लीडरशिप आणि वर्कफोर्स 2.0 या विषयावर व्याख्यान आयोजित केले होते.
शिशिर वैद्य आणि मुख्य कार्यकारी अधिकारी, मिलियन महिला लीडर्स कम्युनिटी आणि अमन राजाबली – अध्यक्ष राष्ट्रीय मानव संसाधन विकास नेटवर्क (पुणे) यांनी विद्यार्थ्यांना वर्कफोर्स मॅनेजमेंटमधील ट्रेंडशी संबंधित माहिती सांगितली. यामध्ये उद्योगात महिला कर्मचाऱ्यांची भूमिका व नेतृत्व धोरणांतर्गत महिला कर्मचाऱ्यांचा समावेश महत्त्वाचा आहे. कर्मचारी व्यवस्थापनातील अलीकडील ट्रेंड याबद्दलही मार्गदर्शन करण्यात आले.
या सोबतच मानव संसाधन व्यवस्थापनाचे भविष्य, कर्मचारी व्यवस्थापनाशी संबंधित या विषयावर मार्गदर्शन करण्यात आले. मानसिक आरोग्य आणि शारीरिक तंदुरुस्तीच्या महत्त्वाविषयी जागरुकता निर्माण करण्यासाठी FIT BLISS स्पर्धाचे आयोजन (Alandi) करण्यात आले होते.
विद्यार्थ्यांनी मोठ्या संख्येने सहभाग घेऊन मानसिक आणि शारीरिक आरोग्याचे महत्त्व जाणून घेतल्याने हा कार्यक्रम जबरदस्त यशस्वी ठरला.
राजीव नाडकर आणि ऋत्विज चौहान यांच्या मानसिक आरोग्य समस्या सोडवण्यासाठी समस्या आणि उपाय या विषयावरील (Alandi) सादरीकरणाने कार्यक्रमाची सुरुवात झाली.
यानंतर राष्ट्रीय आणि आशियाई चॅम्पियनशिप सुवर्णपदक विजेता लोकेश माळी आणि राज्यस्तरीय स्ट्रॉंग मॅन आणि राष्ट्रीय आणि आशियाई चॅम्पियनशिप सुवर्णपदक विजेता पवन निंबाळकर यांची मुलाखत घेण्यात आली. दोघेही एमआयटी आर्ट्स कॉमर्स अँड सायन्स कॉलेज आळंदीमधील विद्यार्थी आहेत.
Pimpri : कष्टकऱ्यांना दिवाळीला बोनस द्या; बोनस मेळाव्यात असंघटितांची मागणी
या मुलाखतीत मानसिक आरोग्य आणि शारीरिक तंदुरुस्तीच्या महत्त्वावर भर देण्यात आला होता. डॉ. मंगेश भोपले, विभाग प्रमुख बीबीए आणि बीबीए (आयबी) यांनी ध्यान सत्र आयोजित केले.
प्रा आकांक्षा लांडगे व डॉ. ऋतुजा देशपांडे यांच्या मार्गदर्शनाखाली विद्यार्थी समन्वयक राजीव नाडकर, आना खान आणि देवप्रिया राजेश यांनी कार्यक्रमाचे आयोजन व व्यवस्थापन केले. या कार्यक्रमाला प्राचार्य डॉ.बी.बी. वाफरे हेही उपस्थित होते. या कार्यक्रमात 137 विद्यार्थांनी सह्भाग नोंदविला.याबाबत माहिती राहुल बाराथे यांनी दिली.
