Chinchwadgaon : एटीएम कार्ड ची अदलाबदल करत 27 हजारांची फसवणूक
एमपीसी न्यूज – एटीएम कार्ड ची अदलाबदल करत एका व्यक्तीची 27 हजार 240 रुपयांची फसवणूक (Chinchwadgaon) करण्यात आली. ही घटना 31 मे रोजी दुपारी सव्वादोन वाजता चिंचवडगाव येथील बँक ऑफ महाराष्ट्रच्या एटीएम सेंटरमध्ये घडली.
विवेक वासुदेव कुंभोजकर (वय 59, रा. चिंचवड) यांनी या प्रकरणी 16 ऑक्टोबर रोजी चिंचवड पोलीस ठाण्यात फिर्याद दिली आहे. त्यानुसार अनोळखी ईसमाच्या विरोधात गुन्हा दाखल करण्यात आला आहे.
Pune : रेल्वेच्या पुणे मंडळाने विकले 18 कोटींचे भंगार
पोलिसांनी दिलेल्या माहितीनुसार, फिर्यादी 31 मे रोजी पैसे काढण्यासाठी चिंचवडगाव येथील (Chinchwadgaon) महाराष्ट्र बँकेच्या एटीएम सेंटरमध्ये गेले होते. त्यांनी एटीएमद्वारे पाच हजार रुपये काढून खिशात ठेवले. दरम्यान, त्यांच्या पाठीमागे उभा असलेल्या अनोळखी इसमाने त्यांना बोलण्यात गुंतवून ठेवले. त्यावेळी फिर्यादी यांचे एटीएम कार्ड मशीन मध्ये होते.
अनोळखी व्यक्तीने मशीन मधील कार्ड स्वतःजवळ ठेवून दुसरे कार्ड फिर्यादी यांना देत कार्डची अदलाबदल केली. त्यानंतर फिर्यादी यांच्या बँक खात्यावरून 27 हजार 240 रुपये काढून घेत फसवणूक केली असल्याचे फिर्यादीत म्हटले आहे. चिंचवड पोलीस तपास करीत आहेत.
