Maval Corona News : नवीन 10 रूग्णांचा कोरोना चाचणी अहवाल पॉझिटिव्ह 

एमपीसीन्यूज – मावळ तालुक्यात रविवारी (दि.03) 10 रुग्णांचा चाचणी अहवाल पॉझिटिव्ह आला, तर तालुक्यात दिवसभरात 15 जणांना डिस्चार्ज देण्यात आला आहे. रविवारी एकही रुग्णाचा कोरोनाने मृत्यू झाला नाही. सद्यस्थितीत उपचार घेत असलेल्या रुग्णांची संख्या 129 आहे.  

शहरी भागात रविवारी 05 तर ग्रामीण भागात 05 रुग्ण सापडले. तसेच तळेगाव दाभाडे नगरपरिषदेच्या हद्दीत 04 रूग्ण सापडले तर लोणावळा नगरपरिषदेच्या हद्दीत 01 रूग्ण सापडला. वडगाव नगरपंचायतीच्या हद्दीत रविवारी एकही रूग्ण सापडला नाही.

तालुक्यातील कोरोनाबाधितांची आतापर्यंतची एकूण संख्या 27,403  झाली आहे. तर दिवसभरात 15 रुग्ण बरे झाल्याने घरी सोडण्यात आले. रविवारी कोरोना रुग्णांमध्ये ग्रामीण भागात काले येथे 02 रुग्ण सापडले. तर कोथुर्णे,करूंज व माळवाडी येथे प्रत्येकी 01 रुग्ण सापडले. असे एकूण 05  रुग्ण सापडले.

आतापर्यंत 26,751 जणांना डिस्चार्ज देण्यात आला आहे. तर आतापर्यंत 523 रुग्णांचा मृत्यू झाला आहे. सद्यस्थितीत एकही रुग्णाची परिस्थिती गंभीर नाही. कोरोना रुग्ण बरे होण्याचा दर 97.62 टक्के आहे तर  मृत्यू दर 1.91 टक्के आहे.

तळेगाव नगरपरिषद हद्दीत सर्वाधिक 8,729 लोणावळा नगरपरिषद हद्दीत 4,494 व वडगाव नगरपंचायत हद्दीत 1,370 रुग्ण सापडले आहेत. तसेच शहरी भागात 14,593 रुग्ण तर ग्रामीण भागात 12,810  रुग्ण आढळून आले आहेत.

सद्यस्थिती तळेगाव दाभाडे नगरपरिषद मध्ये 62 , लोणावळा नगरपरिषदमध्ये 14, वडगाव नगरपंचायतमध्ये 04 व ग्रामीण भागात 49 असे एकूण 129 रुग्ण आहेत. अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.