Dehuroad Corona Update : कॅंटोन्मेंट हद्दीत 16 ॲक्टिव्ह रुग्ण; आज पॉझिटिव्ह आणि डिस्चार्ज नाही
एमपीसीन्यूज : देहूरोड कॅन्टोन्मेंट बोर्ड हद्दीत बुधवारी दोन कोरोना पॉझिटिव्ह रुग्णांची नोंद झाली. मात्र, आज एकाही नवीन रुग्णांची नोंद झाली नाही. त्यामुळे हद्दीत फक्त 16 ॲक्टिव्ह रुग्ण असल्याची माहिती कॅंटोन्मेंट प्रशासनाकडून देण्यात आली.
कॅन्टोन्मेंट प्रशासनाने आज, गुरुवारी सायंकाळी पाच वाजेपर्यंतचा कोरोना अहवाल प्रसिद्धीस दिला आहे. या अहवालानुसार, आजपर्यंत हद्दीत एकूण 1310 कोरोना पॉझिटिव्ह रुग्ण आढळून आले.
आजपर्यंत एकूण 1259 रुग्ण उपचारातून बरे झाल्याने त्यांना घरी सोडण्यात आले.
तर होम आयसोलेशन मधील रुग्णांची संख्या 11 असल्याचे कॅन्टोन्मेंट बोर्डाच्या आरोग्य विभागाकडून सांगण्यात आले.
महात्मा गांधी कोविड केअर सेंटरमध्ये एक रुग्ण उपचारासाठी दाखल आहे. तर हद्दीत 16 ॲक्टिव्ह रुग्ण आहेत. यापैकी 4 रुग्ण रुग्णालयात दाखल आहेत. कोरोनामुळे आजपर्यंत 35 रुग्णांचा मृत्यू झाला आहे.
रुग्णालयात दाखल रुग्णांची आरोग्य स्थिती चांगली असल्याचे या अहवालात नमूद करण्यात आले आहे.