Maharashtra Corona Update: राज्यात दिवसभरात 11,111 नवे रुग्ण 8,837 जणांना डिस्चार्ज

एमपीसी न्यूज – राज्यात आज दिवसभरात तब्बल 11 हजार 111 नवे कोरोना बाधित रुग्ण आढळले असून जवळपास 288 रुग्णांचा कोरोनामुळे मृत्यू झाला आहे. राज्यात आज दिवसभरात 8 हजार 837 जण कोरोनामुक्त झाले असून आजवर 4 लाख 17 हजार 123 जण कोरोनामुक्त झाले आहेत.

राज्यातील आरोग्य विभागाने जाहीर केलेल्या आकडेवारीनुसार, राज्यातील एकूण कोरोना बाधितांची संख्या 5 लाख 95 हजार 865 एवढी झाली आहे. त्यापैकी सध्या 1 लाख 58 हजार 395 रुग्णांवर उपचार सुरू आहेत. दिलासादायक बाब म्हणजे आजवर राज्यातील 4 लाख 1 हजार 123 जण कोरोनामुक्त झाले आहेत.

राज्यात आज 288 रुग्णांचा कोरोनामुळे मृत्यू झाला असून राज्यातील एकूण मृतांची संख्या 20 हजार 037 इतकी झाली आहे. राज्यातील रुग्ण बरे होण्याचे प्रमाण वाढले असून राज्याचा रिकव्हरी रेट 70 टक्के एवढा झाला आहे तर, राज्यातील मृत्यूची टक्केवारी 3.36 इतकी आहे.

11,111 new #COVID19 positive cases, 8,837 discharges and 288 deaths reported in Maharashtra today. Total number of cases now at 5,95,865 including 1,58,395 active cases, 4,17,123 discharges and 20,037 deaths: Public Health Department, Maharashtra pic.twitter.com/xE0mKBetOy

— ANI (@ANI) August 16, 2020

आजपर्यंत पाठविण्यात आलेल्या 31 लाख 62 हजार 740 नमुन्यांपैकी 5 लाख 95 हजार 865 नमुने पॉझिटिव्ह (18.84 टक्के) आले आहेत. राज्यात 10 लाख 53 हजार 897 लोक होम क्वारंटाइनमध्ये आहेत. सध्या 38 हजार 203 लोक संस्थात्मक क्वारंटाइनमध्ये आहेत.

मुंबईत आज 1010 नवे रुग्ण आढळले असून 47 रुग्णांचा मृत्यू झाला आहे. मुंबईत आज दिवसभरात 719 जण कोरोनामुक्त झाले असून मुंबईत आजवर 1 लाख 03 हजार 468 जणांना डिस्चार्ज देण्यात आला आहे. मुंबईत सध्या 17 हजार 828 रुग्णांवर उपचार सुरू आहेत.

1,010 new #COVID19 cases, 719 recovered cases and 47 deaths reported in Mumbai today. Total number of cases now at 1,28,726 including 1,03,468 recovered/discharged cases, 17,828 active cases and 7,130 deaths: Brihanmumbai Municipal Corporation (BMC) #Maharashtra pic.twitter.com/No0V1KHS1x

— ANI (@ANI) August 16, 2020

कोरोनाच्या रुग्णांच्या संख्येत जगात भारताचा तिसरा तर भारतात महाराष्ट्राचा पहिला क्रमांक आहे.