PCMC : महापालिका रूग्णालयांची होणार स्पर्धा
महापालिकेचे यशवंतराव चव्हाण स्मृती (वायसीएम) रुग्णालय, नवीन थेरगाव,(PCMC) नवीन भोसरी, आकुर्डी, नवीन जिजामाता, चिंचवडमधील नवीन तालेरा, मासुळकर कॉलनीतील नेत्र रुग्णालय, सांगवी, यमुनानगर अशी एकूण 9 मोठी रुग्णालये आहेत. तर, शहरात विविध ठिकाणी 34 दवाखाने आहेत. रुग्णांना चांगल्या प्रकारची सेवा मिळावी, यासह वैद्यकीय विभाग अधिक सक्षम करण्यात येत आहे. त्यासाठी डॉक्टर परिचारिका व कर्मचाऱ्यांना विविध प्रकाराचे प्रशिक्षण दिले जात आहे.
रुग्णालये व दवाखान्यात किती रुग्ण उपचार घेतात, विविध शस्त्रक्रिया तसेच, महिला प्रसुतीचे प्रमाण किती आहे, किती रुग्ण दगावले, रुग्ण व त्यांच्या नातेवाईकांचे रुग्णालय व दवाखान्यांबाबत काय मत आहे, आदींसह विविध घटकांची सर्वेक्षण करून पाहणी केली जाणार आहे.