रविवार, सप्टेंबर 25, 2022

Chinchwad: पोलीस असल्याची बतावणी करत ते घरात घुसले ; सोन्या चांदीच्या दागिन्यांची चोरी करुन किमंती साहित्याची तोडफोड केली 

एमपीसी न्यूज – पोलीस असल्याची बतावणी करून तीन चार अनोळखी लोक घरात घुसले व त्यांनी कोयत्याचा धाक दाखवून सोन्या चांदीचे दागिने व रोख रक्कम चोरी करुन घरातील लोखंडी कपाट, कचाचे शोकेस कपाट, टिव्ही यांची तोडफोड केली. हि घटना शुक्रवार (दि.21) दत्तनगर, चिंचवड येथे पहाटे तीनच्या सुमारास घडली. 

याप्रकरणी  सुंदर विलास ओव्हाळ (वय. 48, रा. दत्तनगर, चिंचवड ) यांनी पिंपरी पोलीस ठाण्यात फिर्याद दिली आहे.

त्यानुसार पोलिसांनी राहुल कांबळे (वय.20, रा. दत्तनगर, चिंचवड ) व त्याच्याबरोबर असलेल्या आणखी तीन जणांविरोधात गुन्हा दाखल केला आहे.

पोलिसांनी दिलेल्या माहितीनुसार, आरोपी राहुल आणि त्याच्यासोबत असलेले तिघेजण पोलिस असल्याची बतावणी करून पहाटे तीन वाजता फिर्यादी सुंदर ओव्हाळ यांच्या घरात घुसले.

चारी आरोपींनी घरात घुसून फिर्यादी यांच्या अंगावरील सोने चांदी व रोख रक्कम कोयत्याचा धाक दाखवून काढून घेतले. या सर्व वस्तू 1,02,200 रुपयांच्या असल्याचे फिर्यादीत म्हटले आहे.

आरोपींनी हातातील कोयत्याने घरातील लोखंडी कपाट, काचेचे शोकेस कपाट, टिव्ही यांची तोडफोड केली. पिंपरी पोलिसांनी राहुल कांबळे यांच्यासह तीन जणांविरोधात गुन्हा दाखल केला असून पिंपरी पोलीस पुढील तपास करीत आहेत.

spot_img
Latest news
Related news