Pune : सिम्बायोसिस ओपन एज्युकेशन सोसायटीमध्ये 75 वा प्रजासत्ताक दिन उत्साहात साजरा
एमपीसी न्यूज – सिम्बायोसिस ओपन एज्युकेशन सोसायटीने (Pune) शुक्रवारी (दि.26) प्रजासत्ताक दिन देशभक्तीच्या भावनेने उत्साहात साजरा केला.
सिम्बायोसिस ओपन एज्युकेशन सोसायटीच्या प्रधान संचालिका डॉ. स्वाती मुजुमदार आणि संजीवनी मुजुमदार यांच्या हस्ते विद्यापीठाच्या ॲम्फी थिएटरमध्ये ध्वज फडकावून कार्यक्रमाची सुरुवात झाली. विद्यार्थी, प्राध्यापक आणि कर्मचारी मोठ्या संख्येने जमले होते.
Chinchwad : आदमी पार्टी तर्फे प्रजासत्ताक दिन आम उत्साहात साजरा
सिम्बायोसिस कनिष्ठ महाविद्यालयाच्या प्राचार्या भावना नरसिंगोजू यांनी आपल्या स्वागतपर भाषणात प्रजासत्ताक दिनाचे महत्त्व सांगितले. सिम्बायोसिस ओपन एज्युकेशन सोसायटीच्या प्राचार्य संचालिका डॉ.स्वाती मुजुमदार यांनीही आपले विचार मांडले आणि उपस्थितांना मार्गदर्शन केले.
ध्वजारोहण समारंभा नंतर,भारताची समृद्ध विविधता आणि सांस्कृतिक वारसा प्रदर्शित करण्यासाठी सांस्कृतिक कार्यक्रमाचे आयोजन करण्यात आले होते.सिम्बायोसिस ज्युनिअर कॉलेज आणि सिम्बायोसिस स्किल्स अँड प्रोफेशनल युनिव्हर्सिटीच्या विद्यार्थ्यांनी नृत्य आणि गाणी सादर केली. या कार्यक्रमात विद्यार्थी संघातील कलागुण आणि सर्जनशीलता दाखवून प्रेक्षकांना मंत्रमुग्ध करून सोडले. आभार प्रदर्शनाने प्रजासत्ताक दिन सोहळ्याची सांगता झाली.
