Pune : देवेंद्र फडणवीस यांच्या सतर्कतेने वाचले पुण्यातील व्यक्तीचे प्राण; वाचा काय घडलं
एमपीसी न्यूज- आर्थिक कारणावरून ( Pune) एका व्यक्तीने आत्महत्या करण्याचा निर्णय घेतला. तसा मेसेजही त्याने व्हाट्सअप वर टाकला. हाच मेसेज पुणे दौऱ्यावर असणाऱ्या गृहमंत्री आणि उपमुख्यमंत्री देवेंद्र फडणवीस यांना एका व्यक्तीने दाखवला. फडणवीस यांनी हाच मेसेज पुणे पोलीस आयुक्त रितेश कुमार यांना पाठवला आणि त्यानंतर पोलिसांनी अवघ्या काही मिनिटात या व्यक्तीचा शोध घेत या व्यक्तीचे प्राण वाचवले. त्यानंतर या व्यक्तीचा समुपदेशन करत त्याला आत्महत्येपासून परावृत्त केले. सोमवारी ही घटना घडली.
याप्रकरणी अधिक माहिती अशी की दत्तवाडी परिसरात राहणाऱ्या एका 32 वर्षीय व्यक्तीने आत्महत्या करण्याचा निर्णय घेतला होता. त्या तरुणाचा इंटिरियर डिझाईनचा व्यवसाय होता. यासाठी लागणारे साहित्य पुरवून तो व्यवसाय करत होता. त्याने ज्या व्यक्तींना साहित्य पुरवले त्यांनी पैसे दिले नाहीत. परिणामी देणेकऱ्यांचा त्याच्या पाठीमागे तगादा लागला. एक कोटीच्या वर उधारी गेल्याने तो चांगलाच तंगीत सापडला होता. त्यात एका व्यक्तीने त्याच्या विरोधात पोलीस तक्रार करण्याची धमकी दिली होती.
MPC News Podcast 17 May 2023 – ऐका…आजचे एमपीसी न्यूज पॅाडकास्ट
