Pune: पाण्याचे थकीत बील भरले नाही तर पुणे महापालिका बिलावर आकारणार प्रतिमहिना 1 टक्के व्याज
एमपीसी न्यूज – पुणे महापालिका मीटरद्वारे पाणी बीलाची आकारणी(Pune) करते. हेच थकीत बील 31 मार्च पर्यंत भरले नाही तर पुणे महापालिका 1 टक्के व्याजदर या बिलावर आकारणार असल्याचे पुणे महापालिकेने जाहीर केले आहे.
महापालिकेने जाहीर केलेल्या प्रगटनानुसार खडकी कॅन्टोन्मेंट बोर्ड(Pune) व पुणे कॅन्टोन्मेंट बोर्ड येथे ही व्यावसायीक व निवासी ग्राहकांना मिटरद्वारे पाणी पुरवठा केला जातो. यामध्ये महापालिका पाणी बिलावर कोणतेही व्याज आकारत नाही. त्यामुळे पाणी बीले थकली आहेत.
याच बिलांच्या वसूलीसाठी महालिकेने 60 दिवसांचा कालावधी दिला होता. 1 जानेवारी ते 31 मार्च असा तो कालावधी होता. त्यामुळे 1 एप्रिल 2024 पासून पाणी बीलावर 1 टक्के व्याज आकारले जाणार आहे.
Wakad: भरधाव टेम्पोची पादचारी दाम्पत्यास धडक; महिलेचा मृत्यू
ग्राहकांनी बीले न मिळाल्यास 31 जानेवारी पर्यंतचे पाण्याचे मीटर बील लष्कर पाणीपुरवठा विभाग, स्वारगेट पाणीपुरवठा विभाग, एसएनडीटी चतुःश्रृंगी पाणीपुरवठा विभाग येथून घ्यावीत असे आवाहन महापालिकेने केले आहे.
