Ramdas Kakade : जेआरडी टाटा उद्योगरत्न पुरस्कार जाहीर झाल्याबद्दल तालुका काँग्रेसतर्फे रामदास काकडे यांचा सत्कार

एमआयडीसीमध्ये भरीव कार्य त्यांच्या हातून झाले आहे. तसेच इंद्रायणी महाविद्यालयाच्या माध्यमातून शैक्षणिक दर्जा उंचावण्याचे देखील काम रामदास काकडे यांच्या हातून झाले आहे.

पुणे शहराच्या धर्तीवर विविध शैक्षणिक उपक्रम इंद्रायणी महाविद्यालयात राबवले जातात. त्यामुळे ग्रामीण भागातील दुर्गम विद्यार्थ्यांना शिक्षणाची सोय झाल्याचे यावेळी तालुका काँग्रेसचे अध्यक्ष यशवंत मोहोळ यांनी केले आहे. राज्य औद्योगिक विकास परिषदेच्या वतीने देण्यात येणारा भारतरत्न जेआरडी टाटा उद्योगरत्न पुरस्कार तळेगाव दाभाडे येथील आरएमके उद्योगसमूहाचे तसेच पुणे जिल्हा काँग्रेस कमिटीचे ज्येष्ठ नेते रामदास काकडे (Ramdas Kakade) यांना जाहीर झाला आहे.

9 ऑगस्ट रोजी चिंचवड येथील ऑटो क्लस्टर सभागृहात उद्योग समूहाचे माजी वरिष्ठ महाव्यवस्थापक मनोहर पारळकर यांच्या उपस्थितीत तर पद्मश्री पोपटराव पवार यांच्या हस्ते हा पुरस्कार प्रदान करण्यात येणार असल्याचे निवड समितीने कळविले आहे.

जिद्द, सचोटी, प्रामाणिकपणा, कौशल्यपूर्णता, तत्त्वनिष्ठता या पंचसूत्रींवर आधारित गेली तीन दशके प्रयत्नपूर्वक काकडे (Ramdas Kakade) यांनी आपल्या उद्योग विश्वात, तसेच इंद्रायणी महाविद्यालयाच्या माध्यमातून शैक्षणिक क्षेत्रात देखील त्यांचे महत्त्वपूर्ण योगदान आहे. तळेगाव दाभाडे येथे प्रशस्त व सर्व सुविधा संपन्न असे कॅन्सर हॉस्पिटल उभारणीमध्ये देखील रामदास काकडे यांनी महत्वपूर्ण हातभार लावलेला आहे. काकडे यांच्या समग्र कार्याचा गौरव टाटा उद्योगरत्न पुरस्कार देऊन करण्यात येणार असल्याने तालुक्यात आनंद व्यक्त केला जात आहे.