Today’s Horoscope 03 June 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 03 June 2023 – जाणून घ्या आजचे राशिभविष्य
आजचे पंचांग –
वार – शनिवार.
03.06.2023.
शुभाशुभ विचार – 11 पर्यंत चांगला दिवस.
आज विशेष – वटपौर्णिमा.
राहू काळ – सकाळी 09.00 ते 10.30.
दिशा शूल – पूर्वेस असेल.
आजचे नक्षत्र- 06.16 पर्यंत विशाखा नंतर अनुराधा.
चंद्र राशी – वृश्चिक.
मेष – ( शुभ रंग- केशरी )
कार्यक्षेत्रात नवे उपक्रम सुरू करण्यासाठी आजचा दिवस तितकासा चांगला नाही. झटपट लाभाचा मोह टाळायलाच हवा. एखाद्या विश्वासू माणसाकडूनही विश्वासघात होऊ शकतो. वाहन चालवताना काळजी घ्या.
वृषभ (शुभ रंग- जांभळा)
गोड बोलून आपला स्वार्थ साधाल. कार्यक्षेत्रात स्वतःचे महत्त्व सिद्ध करता येईल. व्यावसायिकांनी स्पर्धकांना कमजोर समजून चालणार नाही. वैवाहिक जीवनात जोडीदाराच्या मताने वागणे हिताचे राहील.
मिथुन ( शुभ रंग- पांढरा)
नोकरीच्या ठिकाणी आज तुम्ही वरिष्ठांच्या मर्जीत राहाल. तब्येत तुमची आज थोडी नरमच राहील. जुनी दुखणी अंगावर काढू नका. वैवाहिक जीवनात तिसऱ्या व्यक्तीस प्रवेश नको.
कर्क (शुभ रंग- निळा.)
कार्यक्षेत्रातील तुमच्या प्रामाणिक मेहनतीस आज दैवाची उत्तम साथ राहील. दुपारनंतर काही बिकट प्रश्न सहजच सोडवाल. डॉक्टरांना आज असाध्य आजारावर अचूक उपाय सापडेल.
सिंह (शुभ रंग- स्ट्रॉबेरी)
मंदावलेल्या व्यापार उद्योगास चांगली गती येईल. महत्त्वाच्या चर्चेत तुम्ही आपल्या मतावर ठाम राहाल. स्थावराची खरेदी विक्री फायद्यातच राहील. आज तुम्ही घर सजावटीस प्राधान्य द्याल.
कन्या ( शुभ रंग- पिस्ता)
नवीन व्यावसायिकांनी आपल्या मर्यादा ओळखूनच आर्थिक उलाढाली कराव्यात. अति आत्मविश्वास ही नुकसानास कारणीभूत ठरू शकतो. घराबाहेर वावरताना रागावर लगाम ठेवा.
तूळ ( शुभ रंग- आकाशी)
आज मोठे आर्थिक व्यवहार सतर्कतेने करा. अनावश्यक खर्च टाळा. दिवसाच्या उत्तरार्धात एखाद्या मोठ्या खर्चाची तयारी ठेवावी लागेल. वृद्धांनी तळपायांची काळजी घ्यावी.
वृश्चिक (शुभ रंग- चंदेरी)
आज तुमची तब्येत थोडीशी नारमच असेल. क्षुल्लक गोष्ट फार मनाला लावून घ्याल. आज जशास तसे या धोरणाने वागा. अधिकाराचा गैरवापर मात्र टाळा.
धनु- (शुभ रंग- भगवा)
आजचा दिवस उद्योग व्यवसायाच्या दृष्टीने तितकासा अनुकूल नाही. मोठे आर्थिक व्यवहार उद्यावरच ढकला. आज ज्येष्ठांची पावले मनशांतीसाठी सत्संगाकडे आपोआपच वळतील.
मकर ( शुभ रंग- पांढरा)
नोकरीच्या ठिकाणी बढतीच्या मार्गातील अडथळे आता दूर होतील. अधिकार योग चालूनच येतील. आज सकारात्मक दृष्टिकोन ठेवा. मोठा भाऊ आज तुम्हाला योग्य सल्ले देईल.
कुंभ (शुभ रंग -गुलाबी)
आज तुम्ही फक्त आपल्या कर्तव्यास प्राधान्य देणार आहात. इतरांच्या कामासाठी आपल्या अधिकाराचा वापर कराल. रखडलेली शासकीय कामे गती घेतील.
मीन -(शुभ रंग – क्रीम )
कार्यक्षेत्रात डोक्यात ताप देणाऱ्या काही घटना घडणार आहेत. नोकरीच्या ठिकाणी वरिष्ठ जितके विचारतील तितकेच सांगा फार खोलात शिरून तुमच्याच अडचणी वाढतील.
शुभम भवतु.
श्री जयंत कुलकर्णी.
ज्योतिष व वास्तु सल्लागार.
संपर्क – 9689165424
