Today’s Horoscope 05 October 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 05 October 2023 – जाणून घ्या आजचे राशिभविष्य
आजचे पंचांग –
वार – गुरुवार.
05.10.2023.
शुभाशुभ विचार- वृद्धी दिन.
आज विशेष- सप्तमी श्राद्ध.
राहू काळ – दुपारी 1.30 ते 3.00.
दिशा शूल – दक्षिणेस असेल.
आजचे नक्षत्र – मृग 19.40 पर्यंत नंतर आर्द्रा.
चंद्र राशी – मिथुन.
मेष – ( शुभ रंग- मोरपंखी )
व्यापार उद्योगाची चक्रे गतिमान होतील. महत्त्वाच्या चर्चेत आपली मते इतरांवर लादू शकाल. स्थावराची खरेदी विक्री फायद्यात राहील. गृहिणी आज घर सजावटीस प्राधान्य देतील.
वृषभ (शुभ रंग- हिरवा )
नवीन व्यवसायात मर्यादा ओळखून आर्थिक उलाढाली केलेल्या बऱ्या. अति आत्मविश्वास ही आज नुकसानास कारणीभूत ठरेल. घराबाहेर वावरताना रागावर नियंत्रण ठेवायला हवे.
मिथुन ( शुभ रंग- डाळिंबी )
आज आर्थिक व्यवहारात सावध असायला हवे. अनावश्यक खर्च टाळायला हवा. दिवसाच्या उत्तरार्धात एखादा मोठा खर्च उद्भवू शकतो. वृद्ध मंडळींनी तळपायांची काळजी घ्यावी.
कर्क (शुभ रंग- राखाडी )
नोकरीच्या ठिकाणी तुमच्या मनासारख्या घटना घडतील. विरोधकही तुमची मते मान्य करतील. आज अधिकारांचा गैरवापर मात्र टाळा. वाहतुकीचे नियम तंतोतंत पाळायला हवेत.
सिंह (शुभ रंग- गुलाबी )
आजचा दिवस उद्योग व्यवसायाच्या दृष्टीने तितकासा अनुकूल नाही. मोठे आर्थिक व्यवहार उद्यावरच ढकलायला हवेत. आज जेष्ठांची पावले सत्संगाकडे आपोआपच वळतील.
कन्या ( शुभ रंग- आकाशी)
नोकरीच्या ठिकाणी पदोन्नतीच्या मार्गातील अडथळे दूर होतील. अधिकार योग चालूनच येतील. सकारात्मक दृष्टिकोन बाळगा. मोठा भाऊ आज तुम्हाला योग्य सल्ले देईल.
तूळ ( शुभ रंग- स्ट्रॉबेरी )
आज तुम्ही फक्त आपल्या कर्तव्यास प्राधान्य देणार आहात. इतरांच्या कामासाठी आपल्या अधिकारांचा वापर कराल. रखडलेली शासकीय कामे गती घेतील.
वृश्चिक (शुभ रंग- तांबडा)
कार्यक्षेत्रात डोक्याला ताप देणाऱ्या काही घटना घडतील. नोकरीच्या ठिकाणी वरिष्ठ जितके विचारतील तितकेच उत्तर द्या. फार खोलात शिरून तुमच्याच अडचणी वाढवून घ्याल.
धनु- (शुभ रंग- सोनेरी )
कार्यक्षेत्रात नवे उपक्रम सुरू करण्यासाठी आज दिवस अनुकूल नाही. झटपट लाभाचा मोह टाळायला हवा. वैवाहिक जीवनातही फार अपेक्षा नकोत. चाललय ते बर चाललंय. सामान्य दिवस.
मकर ( शुभ रंग- जांभळा )
सगळी महत्त्वाची कामे आज दिवसाच्या पूर्वार्धातच उरकून घ्या. व्यावसायिकांनी स्पर्धकांना कमजोर समजू नये. भागीदारी मधे देण्या घेण्याचे व्यवहार चोख असलेले बरे.
कुंभ (शुभ रंग – निळा)
नोकरीच्या ठिकाणी वरिष्ठांच्या मर्जीत राहाल. आज तब्येत थोडी नरमच राहील. जुनी दुखणी अंगावर काढू नका. वैवाहिक जीवनात तिसऱ्या व्यक्तीचा विषय नको.
मीन -(शुभ रंग – पांढरा)
तुमच्या प्रामाणिक मेहनतीस आज दैवाची उत्तम साथ मिळेल. दुपारनंतर काही बिकट प्रश्न सहजच सुटतील. असाध्य आजारावर डॉक्टरांना अचूक उपाय सापडेल.
श्री जयंत कुलकर्णी.
ज्योतिष व वास्तु सल्लागार.
संपर्क – 9689165424.