Pimpri News : क्रीडा समितीच्या सदस्यपदी पुन्हा तुषार हिंगे
एमपीसी न्यूज – पिंपरी-चिंचवड महापालिकेच्या क्रीडा, कला, साहित्य व सांस्कृतिक समितीचे सदस्य म्हणून नगरसदस्य तुषार रघुनाथ हिंगे यांची महापालिका सर्वसाधारण सभेमध्ये नियुक्ती करण्यात आली आहे. सभेच्या अध्यक्षस्थानी महापौर उषा उर्फ माई ढोरे होत्या.
क्रीडा, कला, साहित्य व सांस्कृतिक समिती सदस्य झालेल्या केशव घोळवे यांनी या समिती सदस्य पदाचा राजीनामा दिल्याने एक जागा रिकामी झाली होती. या रिकाम्या जागेवर तुषार हिंगे यांची नियुक्ती झाली आहे. या नियुक्तीबद्दल हिंगे यांचे महापालिका सर्वसाधारण सभेमध्ये महापौरांच्या हस्ते पुस्तक देऊन अभिनंदन करण्यात आले.
महापालिकेच्या पिंपरी येथील मुख्य प्रशासकीय इमारतीमधील यशवंतराव चव्हाण सभागृहात झालेल्या या सत्कारप्रसंगी आयुक्त श्रावण हर्डीकर यांच्यासह उपमहापौर केशव घोळवे, स्थायी समिती सभापती संतोष लोंढे, सत्तारूढ पक्षनेते नामदेव ढाके, विरोधी पक्षनेते राजू मिसाळ, शिवसेना गटनेते राहुल कलाटे, महाराष्ट्र नवनिर्माण सेना गटनेते सचिन चिखले, अपक्ष आघाडी गटनेते कैलास बारणे तसेच क्रीडा, कला, साहित्य व सांस्कृतिक समिती सभापती उत्तम केंदळे, अतिरिक्त आयुक्त अजित पवार, नगरसचिव उल्हास जगताप आदी उपस्थित होते.
