Asia Cup 2023 : आशिया कपमध्ये कर्णधारपदी ऋतुराज गायकवाडची निवड; शिवम दुबे, रिंकू सिंह यांनाही संधी
एमपीसी न्यूज – आशिया कपसाठी (Asia Cup 2023) भारताच्या पुरुष क्रिकेट संघाचा कर्णधार म्हणून पुण्याचा आणि सीएसकेचा स्टार खेळाडू ऋतुराज गायकवाड याची नियुक्ती करण्यात आली असून रिंकू सिंग, प्रभसिमरन सिंग यांना भारताचा पहिला कॉल-अप मिळाला आहे. आशिया कप हा 28 सप्टेंबर पासून ते 8 ऑक्टोबरपर्यंत टी-20 च्या स्वरूपात होणार आहे.
बीसीसीआयने यापूर्वी जाहीर केले होते, की आशिया कपसाठी संघात विश्वचषक स्पॉटसाठी दावा मांडणारे खेळाडूंचा विचार करण्यात येणार नाही. ज्यामुळे कर्णधार रोहित शर्मा, स्टार खेळाडू विराट कोहली, हार्दिक पंड्या, रवींद्र जडेजा, मोहम्मद शमी यांच्यासह सर्व वरिष्ठ खेळाडूंना वगळण्यात आले.
वरिष्ठ खेळाडूंच्या अनुपस्थितीत संघाचे नेतृत्व शिखर धवनकडे केले जाईल असे चिन्ह दिसत होते. परंतु, बीसीसीआयने गायकवाडला संघाचा कर्णधार म्हणून संधी देत भविष्याकडे पाहण्याचा निर्णय घेतला आहे, असे क्रिकेट समर्थकांचे अनुमान आहेत.
Pune News : बुद्धिबळाकडे एक उपचार पद्धती म्हणून बघण्याची गरज – विवेक वेलणकर
यावेळी राहुल त्रिपाठी, यशस्वी जैस्वाल आणि टिळक वर्मा ह्या युवा फलंदाजांनाही संधी देण्यात आली आहे. जैस्वाल आणि टिळक या दोघांनी आधीच वेस्ट इंडिज मालिकेसाठी स्वतःचा पहिला T20I कॉल-अप मिळवला आहे.
रिंकू, जितेश शर्मा आणि त्रिपाठी हे आशिया कपमध्ये जागा (Asia Cup 2023 ) मिळण्यासाठी सक्षम होते. हे जेव्हा त्यांना वेस्ट इंडिज मालिकेसाठी भारताच्या T20I संघात स्थान देण्यात आले तेव्हा स्पष्ट झाले होते.
