Pune : गणेशोत्सवादरम्यान पुढील 11 दिवस ड्रोन वर बंदी

एमपीसी न्यूज – गणेशोत्सवादरम्यान (Pune) सुरक्षेच्या कारणास्तव पुढील 11 दिवस शहरात ड्रोन आणि इतर उडणाऱ्या वस्तू उडवण्यास बंदी घालण्याचे आदेश पोलिसांनी जारी केले आहेत.

Pune : पुण्यातील प्रसिद्ध श्रीमंत दगडूशेठ हलवाई गणपती प्राणप्रतिष्ठापनेसाठी मुख्य मंदिरापासून श्री हनुमान रथातून श्रींची मिरवणूक

उत्सवाचा आनंद लुटण्यासाठी शहर परिसरात येणाऱ्या भाविकांच्या सुरक्षेचा विचार करून हा निर्णय पुणे पोलिसांनी घेतला आहे.ड्रोन, रिमोट कंट्रोल, मायक्रो-लाइट, एअरक्राफ्ट, पॅराग्लायडर, पॅरामोटर, हँडग्लायडर, हॉट एअर बलून इत्यादींचा वापर दहशतवादी लोक किंवा व्हीआयपींना लक्ष्य करण्यासाठी दहशतवादी कारवायांसाठी केला जाऊ शकतो ज्यामुळे कायदा आणि सुव्यवस्थेचा प्रश्न निर्माण होऊ शकतो.

शहरात अशी कोणतीही शक्यता टाळण्यासाठी, 19 सप्टेंबर ते 29 सप्टेंबर या कालावधीत या वस्तूंच्या उड्डाणास शहरात प्रतिबंध असेल. शहर पोलिस पाळत ठेवण्यासाठी वापरत असलेले ड्रोन आणि उडत्या वस्तू या आदेशातून वगळण्यात येतील.