Chakan : वाघजाईनगर येथून विवाहिता बेपत्ता
एमपीसी न्यूज- एकोणतीस वर्षीय विवाहिता पाच दिवसांपूर्वी खराबवाडी ( ता. खेड ) येथील वाघजाईनगर येथून बेपत्ता असल्याची माहिती चाकण पोलिसांनी दिली.
स्विटी ऐलान कार्लीनियस ( वय २९ वर्षे, सध्या रा. खराबवाडी, वाघजाईनगर, ता.खेड) असे बेपत्ता झालेल्या महिलेचे नाव आहे. तिचा पती ऐलान जोएल कार्लीनियस ( वय ३८ वर्षे, सध्या रा. खराबवाडी, वाघजाईनगर,) यांनी याप्रकरणी चाकण पोलीस ठाण्यात फिर्याद दिली.
चाकण पोलिसांनी दिलेल्या माहितीनुसार स्विटी हीचा पती ऐलान हा चाकण औद्योगिक वसाहतीतील एका खासगी कंपनीत रोजंदारीवर कामाला आहे. रविवारी ( दि. २० ) सकाळी सात वाजण्याच्या दरम्यान तो कामाला गेल्यानंतर घरात कोणाला काही न सांगता संबंधित महिला दोन लहान मुलांना घरात सोडून निघून गेली आहे. तिचा सर्वत्र शोध घेऊनही काहीच थांगपत्ता लागला नसल्याने ती बेपत्ता असल्याची फिर्याद दाखल करण्यात आली आहे.
