Pimple-Saudagar News : पिंपळे-सौदागर येथील रेनबो प्लाझा मॉलमधील दुकानाला आग, 18 जणांची सुखरूप सुटका
एमपीसी न्यूज : पिंपळे सौदागर मधील शिवार चौकाजवळ (Pimple-Saudagar News) असलेल्या रेनबो प्लाझा या बहुमजली मॉलमधील एका दुकानाला अचानक आग लागली. यामुळे काही काळ येथे भितीचे वातावरण निर्माण झाले होते. आग पाहताच नागरिकांची पळापळ झाली. या आगीतून अग्निशमन विभागाने 18 नागरिकांची सुखरूप सुटका केली आहे.
पिंपळे सौदागर येथील रेनबो प्लाझाला लागलेल्या आगीतून अग्निशमन विभागाने 18 नागरिकांना सुखरूप बाहेर काढले आहे. अशी माहिती पिंपरी-चिंचवड महानगरपालिकेच्या अग्निशमन विभागाचे अधिकारी प्रताप चव्हाण यांनी दिली आहे. शिवार चौकातील नाशिक फाटा-वाकड बीआरटी रोडच्या कडेला असणाऱ्या रेनबो प्लाझा या इमारतीमधील दुसऱ्या मजल्यावरील एका दुकानाला अंदाजे 4.30 वा च्या सुमारास आग लागली होती. या इमारती समोर तंबू खाली छोटी व्यवसायिकांची दुकाने आहेत. आग लागल्यानंतर या दुकानांच्या मालकांनी तात्काळ दुकानातील साहित्य बाहेर काढण्यास सुरूवात केली. पिंपरी-चिंचवड महानगरपालिका अग्निशमन विभागाचे अग्निशमन बंब घटनास्थळी पोहोचले असून आग विझवण्याचे काम सुरू आहे.
