Halal Products : हलाल सक्तीविरोधात हिंदुत्ववादी संघटना एकवटल्या
एमपीसी न्यूज – भारतातील 80 टक्‍के हिंदु समाजावर (Halal Products) हलाल उत्‍पादनांची सक्‍ती आम्‍ही खपवून घेणार नाही म्हणत हलाल मुक्त दिवाली या अभियानांतर्गत पुण्यात सोमवारी (दि.17) बालगंधर्व रंगमंदिर येथील झाशीची राणी लक्ष्मीबाई स्‍मारकाजवळ हिंदुराष्ट्र जागृती आंदोलन यांच्यातर्फे आंदोलन करण्‍यात आले.
यावेळी राज्य संघटक, हिंदु जनजागृती समिती, महाराष्‍ट्र आणि छत्तीसगडचे सुनील घनवट, सनातन संस्‍थेचे चैतन्‍य तागडे, हिंदू जनजागृती समीतीचे पराग गोखले, अधिवक्ता नीलेश निढाळकर, अधिवक्त्या सीमा साळुंखे आणि अन्य समविचारी संघटना, नागरिक आदी उपस्‍थित होते.
Rain in Pimpri Chinchwad : परतीच्या पावसाचा धुमाकूळ; शहरात अनेक ठिकाणी साचले पाणी
यावेळी बोलताना सुनील घनवट म्हणाले की, गेल्‍या काही काळापासून भारतात हेतूतः ‘हलाल’ उत्‍पादनांची मागणी केली जात असून हिंदु व्‍यापार्‍यांना व्‍यवसाय करण्यासाठी ‘हलाल प्रमाणपत्र’ घ्‍यावे लागत आहे.
पूर्वी ‘हलाल’ ही संकल्‍पना केवळ मांसाहारी पदार्थांपूर्ती आणि मुस्‍लिम देशांच्‍या निर्यातीसाठी मर्यादित होती. आता मात्र भारतातील साखर, तेल, आटा, चॉकलेट, मिठाई, सौंदर्यप्रसाधने, औषधे आदी विविध उत्‍पादनेही ‘हलाल सर्टिफाइड’ होऊ लागली आहेत.
मुळात भारत सरकारच्‍या अधिकृत ‘FSSAI’ आणि ‘FDA’ या संस्‍था उत्‍पादनांचे प्रमाणिकरण करत असताना वेगळ्‍या ‘हलाल प्रमाणिकरणा’ची गरजच काय?
आज मॅकडोनल्‍ड्‌स, केएफ्‌सी, बर्गरकिंग, पिझ्‍झा हट यांसारख्‍या नामवंत कंपन्यांच्या आऊटलेटमध्‍ये हलाल नसलेले खाद्यपदार्थ उपलब्‍ध नसल्‍याने ते हिंदू, जैन, शीख अशा गैर-मुस्‍लिम समाजाला सर्रास ‘हलाल’ खाद्यपदार्थ (Halal Products) सक्‍तीने विकत आहेत. भारतातील 15 टक्‍के मुसलमान समाजासाठी 80 टक्‍के हिंदु समाजावर हलाल उत्‍पादनांची सक्‍ती आम्‍ही खपवून घेणार नाही, असा इशारा घनवट यांनी दिला.
