Har Ghar Tiranga: सोशल मीडियावर प्रोफाइल फोटोवर झळकतोय तिरंगा,पंतप्रधानच्या आवाहनाला नेटकऱ्यांचा प्रतिसाद.
एमपीसी न्यूज: भारताचे पंतप्रधान नरेंद्र मोदी यांनी रविवारी ‘मन की बात’ कार्यक्रमातून केलल्या आवाहनाला प्रतिसाद देत सोशल मीडियावर नेटकऱ्यांनी आपल्या प्रोफाइल फोटोवर भारताच्या तिरंगा ठेवत एकतेचे दर्शन दाखवले आहे.(Har Ghar Tiranga) 2 ऑगस्ट ते 15 ऑगस्ट पर्यंत तिरंगा प्रोफाइल फोटोवर ठेवण्याचे आवाहन केले आहे.
पंतप्रधान नरेंद्र मोदी यांनी स्वतः आपल्या सर्व सोशल नेटवर्क साईट वरचे प्रोफाइल फोटो बदलून भारतीय ध्वजाचे छायाचित्र ठेवले, व त्यांनी खास संदेश लिहिला आहे,’या वेळी आपण आझादी चा अमृत महोत्सव साजरा करत आहोत आपल्या देशात प्रत्येक कुटुंबीय घरी तिरंगा फडकवतील व आपला स्वातंत्र्य दिन साजरा करतील, ही एक सामूहिक चळवळ आहे व सर्वानी सज्ज राहणे अभिप्रेत आहे’.(Har Ghar Tiranga) असे आवाहन त्यांनी केले आहे, व ‘मी माझ्या सोशल मीडिया पेजेसवर डीपी बदलला आहे आणि तुम्हा सर्वांना असे करण्याची विनंती करतो.’ असे देखील पंतप्रधानांनी देशवासियांना सांगितले आहे.
Pimpri Corona Update: शहरात आज 143 नवीन रुग्णांची नोंद; 144 जणांना डिस्चार्ज
दरम्यान अनेक सेलिब्रिटी व नेत्यांनी पंतप्रधानांच्या आवाहनाला प्रतिसाद देत फेसबुक,ट्विटर, इंस्टाग्राम वरचे प्रोफाइल डीपी बदलत तिरंग्याचे ठेवले आहेत.भारतीय ध्वजाचा कुठल्याही प्रकारे अवमान होणार नाही याबाबत देखील खबरदारी घेण्याचे आवाहन शासनाद्वारे केले आहे.