India Corona Update : एक महिन्यानंतर एक लाखांहून कमी कोरोना रुग्णांची नोंद, 895 मृत्यू 

एमपीसी न्यूज – मागील काही दिवसांपासून देशात एक ते दोन लाखांच्या दरम्यान नवीन कोरोना बाधित रुग्णांची वाढ नोंदवली जात होती. एक महिन्यानंतर संसर्गाचा वेग मंदावला असून गेल्या 24 तासांत एक लाखांहून कमी कोरोना बाधित रुग्णांची नोंद झाली आहे. चोवीस तासांत देशभरात 83,876 नव्या रुग्णांची नोंद झाली तर, 895 रुग्णांचा मृत्यू झाला आहे. 

India's daily cases drop below 1 lakh; the country reports 83,876 fresh #COVID19 cases, 1,99,054 recoveries and 895 deaths in the last 24 hours.

Active cases: 11,08,938
Death toll: 5,02,874
Daily positivity rate: 7.25%

Total vaccination: 1,69,63,80,755 pic.twitter.com/i2PatSLAxi

— ANI (@ANI) February 7, 2022

देशातील ॲक्टिव्ह रूग्णसंख्या घटली असून, सध्या देशात 11 लाख 08 हजार 938 ॲक्टिव्ह रूग्णांवर उपचार सुरू आहेत. देशातील कोरोना मृतांची संख्या पाच लाखांच्या पुढे गेली आहे. आजवर देशात 5 लाख 02 हजार 874 कोरोना रूग्ण दगावले आहेत. देशाचा मृत्यूदर 2.90 टक्के एवढा झाला आहे.

ICMR च्या आकडेवारी नुसार आजवर 74 कोटी 15 लाख 61 हजार 587 प्रयोगशाळा नमुने तपासण्यात आले आहेत. गेल्या 24 तासांत 11.56 नमूने तपासण्यात आले आहेत. देशात कोरोना लसीकरण कार्यक्रमाअंतर्गत आजवर 169 कोटी 63 लाख 80 हजार 755 जणांना लस टोचण्यात आली आहे.