Panvel : मुंबई-पुणे एक्सप्रेस वेवर एसटी बसला भीषण अपघात

एमपीसी न्यूज : मुंबई-पुणे एक्स्प्रेस वेवर एसटीचा भीषण अपघात झाला आहे. मुंबईकडे जाणाऱ्या लेनवर मध्यरात्री दीड वाजता हा अपघात झाला. ही एसटी बस साताऱ्याहून मुंबईकडे होती. पनवेल हद्दीजवळ झालेल्या या भीषण अपघातात एका प्रवाशाचा मृत्यू झाला असून चालकासह १६ जण जखमी झाले आहेत.

आयआरबी आणि वाहतूक पोलिसांनी जखमींना तात्काळ रुग्णालयात हलवले आहे. जखमींवर कामोठे येथील एमजीएम रुग्णालयात उपचार सुरु आहेत. अपघातातील मृत व्यक्ती मुंबईत बेस्टचा चालक असल्याची माहिती मिळत आहे. अपघातानंतर काही वेळासाठी वाहतूक विस्कळीत झाली होती.