Pimpri : अवैध गौण खनिज उत्खनन प्रकरणी अप्पर तहसीलदारांची कारवाई
एमपीसी न्यूज – पिंपरी-चिंचवड अप्पर तहसील कार्यालयात (Pimpri) नव्याने पदभार स्वीकारल्यानंतर अप्पर तहसीलदार डॉ. अर्चना निकम यांनी अनधिकृत गौणखनिज उत्खनन व वाहतुकीवर दंडात्मक कारवाई केली. आतापर्यंत त्यांनी एकूण 3 लाख 5 हजार 52 रुपयांची वसुली केली आहे.
अप्पर तहसीलदार कार्यालयाकडून 13 एप्रिल ते 9 मे 2023 या कालावधीत अवैध गौण खनिज वाहतूक प्रकरणी आठ वाहनांवर कारवाई करण्यात आली. यातील चार प्रकरणात तीन लाख पाच हजार 52 रुपये वसुली करण्यात आली आहे. उर्वरित 4 प्रकरणी देखील दंडात्मक रक्कम वसूल करण्याची कारवाई सुरू आहे. तसेच 9 मे 2023 रोजी चऱ्होली येथे एकूण 4 ठिकाणी अवैध उत्खनन प्रकरणी कारवाई करण्यात आली असून पंचनाम्याची कारवाई सुरू आहे.
Pune : आर्थिक पाठबळ नसल्याने नवउद्योजकांना अपयश : डॉ. दीपक करंदीकर
डॉ. अर्चना निकम म्हणाल्या की, अवैधरित्या गौण खनिज उत्खनन केल्याप्रकरणी दंडात्मक वसुली व कायदेशीर कारवाई करण्यात येत आहे. क्षेत्रीय अधिकारी तलाठी, मंडलाधिकारी यांना (Pimpri) अवैध उत्खनन वाहतुकीवर कारवाई करण्याची सूचना केली आहे.
लोकांना रॉयल्टी भरण्याबाबत जागरूकता निर्माण करण्यासाठी प्रयत्न करणार असल्याचेही त्यांनी सांगितले.