Pimple Guruv: बनावट कागदपत्रांच्या आधारे महिलेची 22 लाख रुपयांची फसवणूक 

राजेंद्र दयाप्रसाद गायकवाड, सुलक्षण राजेंद्र गायकवाड, लक्ष्मण बळीराम (Pimple Guruv)जाधव (तिघे रा. पिंपळे गुरव), सदाशिव अच्युतराव परभणे (रा. काळेवाडी) यांच्या विरोधात गुन्हा दाखल करण्यात आला आहे. याप्रकरणी महिलेने सांगवी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, बीजल अपार्टमेंट, पिंपळे गुरव येथे फिर्यादी आणि आरोपी राजेंद्र गायकवाड यांच्या संयुक्त नावावर एक सदनिका आहे. आरोपींनी आपसात संगनमत करून महिलेच्या बनावट सह्यांच्या आधारे कागदपत्रे बनवली. त्यातून ती सदनिका 22 लाख 50 हजार रुपयांना विकून महिलेची फसवणूक केली. सांगवी पोलीस तपास करीत आहेत.