Pimpri Corona Update : शहरात आज 236 नवीन रुग्णांची नोंद, 140 कोरोनामुक्तांना डिस्चार्ज
एमपीसी न्यूज – पिंपरी-चिंचवड शहराच्या विविध भागातील 236 नवीन कोरोना बाधित रुग्णांची आज (शुक्रवारी) नोंद झाली. तर उपचाराला दहा दिवस पूर्ण झालेल्या आणि कोणतीही लक्षणे नसलेल्या 140 जणांना डिस्चार्ज देण्यात आला.
शहरातील 3 आणि महापालिका हद्दीबाहेरील 2 अशा 5 जणांचा आज मृत्यू झाला. आजपर्यंत शहरातील 4 हजार 273 जणांचा कोरोनामुळे मृत्यू झाला. शहरातील 2 लाख 56 हजार 455 जणांना आजपर्यंत कोरोनाची लागण झाली आहे.
सध्या 1 हजार 238 सक्रिय रुग्ण शहरात आहेत. त्यातील 371 रुग्ण गृहविलगीकरणात असून 867 सक्रीय रूग्णांवर महापालिका रुग्णालयामध्ये उपचार सुरू आहेत.
तर, शहरात मेजर कंटेन्मेंट झोन 37 आणि मायक्रो कंटेन्मेंट झोन 414 आहेत. आज दिवसभरात 15 हजार 665 जणांचे लसीकरण झाले. तर, आजपर्यंत 5 लाख 95 हजार 410 जणांनी लस घेतली.
