Pimpri: इंस्टाग्राम वरील मैत्रिणीने तरुणाला लुटले

याप्रकरणी 21 वर्षीय तरुणाने पिंपरी पोलीस ठाण्यात फिर्याद दिली आहे. त्यानुसार एका तरुणीच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, आरोपी तरुणीने फिर्यादी(Pimpri) तरुणाला इंस्टाग्रामवर मेसेज केला. त्याला मेसेज करून पिंपरी येथे भेटायला बोलावले. पिंपरी येथे दोघांची भेट झाली. तिथे तरुणीने तरुणाकडे त्याचा फोन मागितला. मात्र फोन देण्यास तरुणाने नकार दिला.

त्यावरून तरुणीने ‘तू तुझा मोबाईल डे नाहीतर मी आरडाओरडा करून लोकांना तू माझी छेड काढतो असे सांगेल. माझ्या मित्रांना बोलावून घेऊन तुला मारायला सांगेल’ अशी धमकी दिली. तरुणाच्या खिशातून 45 हजार रुपये किमतीचा मोबाईल फोन तरुणीने जबरदस्तीने काढून नेला असल्याचे फिर्यादीत नमूद आहे. पिंपरी पोलीस तपास करीत आहेत.